Puxteya Nûçeyê

• Berdevkê Fermandariya Giştî ya Hêzên Çekdar ên Iraqê Sebah Numan ji KANAL8ê re ragihand ku pêvajoya vekişîna hêzên Tirkiyeyê ji baregeha leşkerî ya Zêlkanê di vê mehê de destpê dike.

• Numan diyar kir ku li gorî lihevkirina di navbera Bexda û Enqereyê de, baregeh dê heta dawiya îsal bi tevahî radestî hêzên Iraqê bê kirin.

• Numan da xuyakirin ku ev pêngav encama têgihîştina hevpar a di navbera serokwezîrê Iraqê û Serokomarê Tirkiyeyê de ye û li ser 4 pîvanên sereke tê meşandin.

Daxuyaniyên Sereke û Mijarên Balkêş

• Radestkirina Baregehê: Berdevkê Fermandarê Giştî ya Hêzên Çekdar ên Iraqê ragihand, pêvajoya vekişîna hêzên Tirkiyeyê ji baregeha leşkerî ya Zêlkanê di vê mehê de dest pê dike û di dawiya îsal debaregeh dê radestî hêzên Iraqî bête kirin.

• Vekişîna Qonax bi Qonax: Sebah Numan, ji Kanal8 re ragihand, "Vekişîna qonax bi qonax a hêzên Tirkiyeyê ji baregeha leşkerî ya Zêlkanê di vê mehê de dest pê dike û lijneya ewlehiyê ya hevbeş a Bexda û Enqereyê karên xwe ji bo wergirtina baregehê dest pê kirine."

• Lijneya Hevbeş: Bi gotina Sebah Numan, heta dawiya îsal, baregeha Zêlkanê bi temamî radestî hêzên Iraqî tê kirin û karên lijneya hevbeş a Iraq û Tirkiyeyê dê di pêşerojeke nêzîk de hîn zûtir bên kirin. Berdevkê Fermandarê Giştî ya Hêzên Çekdar ên Iraqê behsa hindê kir ku çalakkirina wê lijnê, encama wê lihevkirinê ye ku Serokwezîrê Iraqê ligel Serokê Tirkiyeyê di civîna New Yorkê ya meha Îlona borî de gihîştibûnê.

• Bingehên Lihevkirinê: Sebah Numan aşkere kir ku ew lihevkirin ji çar bingehên sereke pêk tê ku ev in: kûrkirina hevkarî û koordînasyona ewlehî û stratejîk, bihêzkirina desthilata hikûmeta Iraqê li Şingalê, vekişîna qonax bi qonax a hêzên Tirkiyeyê ji baregeha Zêlkan, û bihêztirkirina hevkariya aborî ya navbera Bexda û Tirkiyeyê.

• Tevlêbûna YBŞyê nav Hêzên Iraqê: Piştî geşedanên di rewşa Şingalê de û tevlîbûna YBŞyê di nav hêzên Iraqî de, li gorî gotina Sebah Numan, karê lijneya hevbeş pêşveçûneke zêdetir bi xwe ve dîtiye û ev bûye sedem ku Tirkiye sozên xwe yên derbarê radestkirina baregeha Zêlkan ji bo hêzên Iraqî bi cih bîne.

• Sebah Numan balê dikişîne ser pirsa hêzên Tirkiyeyê li Iraqê yek ji wan pirsên aloz e ku di hikûmetên berê de çareser nebûbû, lê hikûmeta niha ya Sûdanî ew pirs hildaye ser milê xwe û hewlyê dide bi temamî yekalî bike.

Ji Bo Agahdariya We
Radestkirina Baregeha Lekşerî ya Zêlkanê ji bo hêzên Iraqê wekî pêngaveke girîng a ji bo serweriya dewletê û asayişa herêmî tê dîtin ku têkiliyên di navbera Bexda û Enqereyê de di qonaxeke nû de cîh digire.

Bêtir bixwînin: Ev nûçe ji we re hatine bijartin

Ji bo nûçeyên nû, bi berdewamî KANAL8ê bişopînin:

https://www.channel8.com/kurmanci/news/7d3bf7db-123f-4630-b84c-fe005361758f

https://www.channel8.com/kurmanci/news/baf5aa88-830d-425f-a291-a2a9ef494e24