چاندنی گون هیوایەکی نوێیە بۆ چارەسەری نەزۆکی

وێنەی تۆوی پیاوان

لە سکۆتلەندا کوڕێکی 19 ساڵ پێش ئەوەی چارەسەری کیمیایی بۆ نەخۆشییەکی توندی خوێن وەربگرێت، سێ ساڵ پێش ئێستا شانەی گونی لێوەرگیرا کە خانە بنەڕەتییەکانی تێدابوو(ئەو خانانەی تۆو دروستدەکەن) و لە تاقیگە پاراستیان
پاش سێ ساڵ لە چارەسەری کیمیاییەکەی، دەرکەوت تۆو لە تۆواویدا نەماوە و ناتوانێت وەچە بخاتەوە
هەربۆیە پسپۆڕانی دامەزراوەی تەندروستیی نیشتمانیی بەریتانیا شانە بەستووەکەیان لە تاقیگە هێنایەوە و بۆیان چاندەوە، بەو هیوایەی دووبارە تۆو دروست بکاتەوە
پسپۆڕان دەڵێن لە ماوەی چەند مانگێکی داهاتوودا دەزانن کە ئایا سەکەوتوو بووە یان نا
هەر لەم ساڵدا پسپۆڕانی ئیدنبێرگ باسی پیاوێکیان کرد کە لە منداڵیدا و لە پێش چارەسەری کیمیایی شانەی گونیان بۆ دەرهێناوە و پاراستوویانە، پاش 16 ساڵ شانەکەیان بۆ چاندووەتەوە و دووبارە تۆو دروستبووەتەوە(واتە سەرکەوتوو بووە)
لە ئێستادا زیاتر لە 1200 چارەخواز لە بەریتانیا شانەی گونیان بۆ هەڵگیراوە
بۆ پیاوێکی پێگەیشتوو، تەنیا هەڵگرتنی تۆوی پیاوەکە بەسە بۆ چارەسەری منداڵی بلووری لە داهاتوودا، بەڵام ئەو چارەخوازانەی لە پێش پێگەیشتنەوە ئەگەری نەزۆکبوونیان هەیە، تۆوی پێگەیشتوویان نییە بۆ خەزن کردن لە تاقیگەدا
هەربۆیە هەڵگرتنی شانەی گون کە خانەی بنەڕەتیی تێدابێت، هۆکارێکە بۆ دروستکردنی تۆوی نوێ لە پاش چاندنەکە و دەبێت بە هیوایەکی گەورەی گەڕانەوەی توانای وەچەخستنەوە