بازاڕی ئۆتۆمبێلی چینی لە عێراق و هەرێمی کوردستان گەشەیەکی گەورەی بەخۆیەوە بینیوە و بەشێکی زۆری ئەو هاوردەکردنەش ئۆتۆمبێلی کارەبایی و هایبریدن، کە بەهۆی گونجاوی نرخ و کارئاسانییەکانی حکومەتەوە خواستی زۆریان لەسەرە.

هەرێمی کوردستان لە ماوەی سێ ساڵی ڕابردوودا نزیکەی نیو ملیۆن ئۆتۆمبێلی هاوردە کردووە و لە ئێستاشدا ئۆتۆمبێلە چینییەکان بەهۆی هەرزانیی نرخەکانیانەوە بەشێکی زۆری بازاڕەکانیان کۆنتڕۆڵ کردووە و ڕکابەریی جۆرە ژاپۆنی و ئەمریکییەکان دەکەن.

وەزارەتی گواستنەوەی عێراق پلانێکی سێ قۆناغی بۆ کاراکردنەوەی گواستنەوەی دەریایی ڕاگەیاند، کە ئامانجی کەمکردنەوەی جەنجاڵیی هاتووچۆ و گەشەپێدانی کەرتی گەشتوگوزارە لەو شارانەی دەکەونە سەر ڕووبارەکان.

لەگەڵ نزیکبوونەوەی جەژنی قوربان، پڕۆسەی گەشتە ئاسمانییەکانی نێوان سلێمانی و ئێران ئاسایی دەبێتەوە، ئەمەش لە کاتێکدایە کە بەهۆی ئاڵۆزییەکانی ناوچەکە، کەرتی گەشتیاریی هەولێر بە ڕێژەی 80٪ کەمییکردووە.