سەرچاوەیەکی دیپلۆماسی لە وەزارەتی دەرەوەی فەڕەنسا هەڵوێستی وڵاتەکەی لەبارەی هەڵبژاردنی ئەنجوومەنی گەل لە سووریا بۆ کەناڵ8 ئاشکراکرد و رایگەیاند، پشتیوانیی پرۆسەی دەستاودەستی دەسەڵات لە سووریا دەکەن، بەجۆرێک نوێنەرایەتیی هەموو پێکهاتەکان بکات بەبێ جیاوازیی جێندەری و تایفی و ئاینی.

فەڕەنسا: لەگەڵ بەستنەوەی ناوچەکانی باکووری رۆژهەڵاتداین بە پرۆسەی سیاسیی سووریاوە

سەرچاوەکە ئەوەشی بۆ کەناڵ8 ئاشکراکرد، تەنیا بە بەشداریکردنی هەموو پێکهاتەکان دەتوانرێت یەکگرتوویی، ئاسایش و سەروەریی خاکی سووریا بپارێزرێت و هەڵوێستی پاریس لەوبارەیەوە نەگۆڕە.

دەشڵێت، پابەندن بەو بەڵێنانەی لە کۆنفرانسی مانگی شوباتی ئەمساڵ بە بەرپرسانی سووریایانداوە و هاوکاریان دەبن بۆ گێڕانەوەی سەقامگیری بۆ ئەو وڵاتە.

وەزارەتی دەرەوەی فەڕەنسا: بەردەوامین لە گفتوگۆ بۆ جێبەجێکردنی ڕێککەوتنی 10ی ئازار

وەزارەتی دەرەوەی فەڕەنسا ئەوەشی بە کەناڵ8 راگەیاند، لەگەڵ هاوبەشە ئەمریکییەکانیان و دەسەڵاتدارانی قۆناغی راگوزەری سووریا بەردەوامدەبن لە گفتوگۆ بۆ جێبەجێکردنی خاڵەکانی رێککەوتنی 10ـی ئازار بۆ پێکەوەبەستنەوەی ناوچەکانی باکووری رۆژهەڵاتی سووریا بە پرۆسەی سیاسیی نیشتمانییەوە لە دیمەشق.

 شەیبانی: دیمەشق نەخشە رێگەی هەیە بۆ ئاساییکردنەوەی دۆخی سوەیدا

ئەوە لە کاتێکدایە، ئەسعەد شەیبانی، وەزیرى دەرەوەی سووریا رایگەیاند، حکومەتی وڵاتەکەی نەخشەڕێگەیەکی بۆ ئاساییکردنەوەی دۆخی سوەیدا داناوە و لەلایەن ئوردن و ئەمریکاوە پاڵپشتیی دەکرێت.

وەزیرى دەرەوەی سووریا لە کۆنفڕانسێکی رۆژنامەوانیدا گوتی، "بەگوێرەى نەخشە رێگەکە سەرجەم ئەو کەسانەی تێوەگلاون، لە دەستدرێژکردنەسەر هاوڵاتییانی سڤیل، سزادەدرێن و کار بۆ گەڕانەوەی ئاوارە و ئازادکردنی دەستگیرکراوەکان دەکەن".