د. دارا ئەحمەد، پزیشکی پسپۆڕی نەشتەرگەری، چارەسەرە باوەکانی گرژبوونی کۆڵۆن بۆ هاونیشتمانییان دەخاتەڕوو.

چارەسەرە باوەکانی گرژبوونی کۆڵۆن

پزیشکە پسپۆڕەکە دەڵێت " چارەسەری گرژبوونی کۆڵۆن بەندە لەسەر لابردنی نیشانەکانی نەخۆشییەکە، لە هەندێک حاڵەتیشدا تەنیا کۆنتڕۆڵکردنی خۆراک و کەمکردنەوەی گوشاری دەروونی چارەخوازەکە، چارەسەری حاڵەتەکە دەکەن"،  باوترین چارەسەرەکانی گرژبوونی کۆڵۆن بریتین لە:

خۆراکی تەندروست

وازهێنان لەو خۆراکانەی کە گازەکانی گەدە دروست دەکەن بە تایبەت پاقلەمەنییەکان،  ئەو خۆراکانە زیاتر بخورێن کە پێکهاتەی ڕیشاڵییان زۆر تێدایە،  وەک سەوزەکان و ئاو خواردنەوەی زۆر.

چارەسەری دەروونی

 ئەو کەسانەی کە تووشی دڵەڕاوکێ، خەمۆکی و باری دەروونی ناجێگیر دەبن، پێویستە سەردانی پزیشكی پسپۆڕی دەروونی بکەن.

بەکارهێنانی  دەرمان لەژێر چاودێریی پزیشکی پسپۆڕدا

دەرمانەکان بەشێكیان بۆ نەهێشتنی قەبزی، سکچوون و سکئێشە بەکاردێن و هەندێکی دیکەیان وەک تەواوکەری خۆراکیی ریشاڵی بۆ چارەسەری گرژیی کۆڵۆن دەخورێن.