دادگای لێکۆڵینەوەی نەینەوا بڕیاری دا بە ئازادکردنی "ئەبو جەننە"ی ناوداری تۆڕی کۆمەڵایەتیی تیکتۆک بە کەفالەتی دارایی، ئەمەش دوای ئەوەی لە سەرەتای ئەم مانگەدا لەلایەن هێزە ئەمنییەکانەوە بە تۆمەتی فێڵکردن و دەستبڕین دەستگیر کرابوو.

سێ سەرچاوەی ئێرانی و بەرپرسێکی ئەورووپی ئاشکرای دەکەن، کە سەرەڕای دەستپێکردنەوەی هێرشەکانی هەردوولا، هەوڵەکانی ئێران و ئەمریکا بۆ گەیشتن بە ڕێککەوتنێکی سەرەتایی چڕتر بوونەتەوە؛ گفتوگۆکانیش زیاتر لەسەر میکانیزمی ئازادکردنی سامانی سڕکراوی ئێران و ئاڵوگۆڕی پەیامەکانە لەسەر یاداشتنامەی لێکتێگەیشتن بۆ ڕێگریکردن لە هێرشەکان و گەیشتن بە ئاگربەستێکی هەمیشەیی.

وەزیری بەرگریی بەریتانیا، بەهۆی ناکۆکی لەسەر خەرجییەکانی بەرگریی لەگەڵ سەرۆکوەزیرانی وڵاتەکەی، دەستی لەکارکێشایەوە.