بەگوێرەی زانیارییەک کە بە کەناڵ8 گەیشتووە، کە فەرهاد ساڵح، قایمقامی چوارتا لەبارەی ئاگرکەوتنەوە لە سنوورەکەیاندا دەڵێت، بەهۆی کەوتنەوەی ئاگر لە گوندی وەڕازی شارباژێر زیاتر لە 1 هەزار دۆنم زەوی سووتاوە، هەروەها ئەمڕۆش ئاگرێکی دیکە لە گوندی سنکێ لە سیتەک سەریهەڵداوە و دەستبەجێ پەڕیوەتەوە بۆ گوندەکانی دەوروبەری.
فەرهاد ساڵح، قایمقامی چوارتا ئاماژە بەوە دەکات گومان دەکەن گەشتیاران هۆکاری ئاگرکەوتنەوەکەی گوندی وەڕاز بن، هاوکات دانیشتووانی گوندەکە و شایەتحاڵانی ڕووداوەکەش دەڵێن سەختیی ناوچەکە وادەکات کۆنتڕۆڵکردنی ئاگرەکە زەحمەت بێت، هەر ئەمەش وایکردووە ئاگرەکە ڕووبەرێکی فراوان بگرێتەوە و زیانێکی زۆر بە ڕەز و باخەکانیان بگەیەنێت.
بەڕێوەبەرایەتیی پۆلیسی دارستان و ژینگەی پارێزگای سلێمانی ڕایگەیاند کە ئاگرەکەی سیتەک بە هۆکارێکی نادیار کەوتووەتەوە، بەڵام مەفرەزەکانی بنکەی پۆلیسی دارستان بە خێرایی گەیشتوونەتە شوێنی ڕووداوەکە و بە هاوکاریی هاونیشتمانییان و لایەنە پەیوەندیدارەکان توانیویانە ڕێگری لە تەشەنەسەندنی زیاتری ئاگرەکە بکەن.
ئاگرەکەی گوندی وەڕاز لە سنووری شارباژێر پاش ئەوەی دوێنێ شەو لەلایەن تیمەکانی بەرگریی شارستانییەوە کۆنتڕۆڵ کرابوو، سەرلەبەیانیی ئەمڕۆ جارێکی دیکە لە گوندی سنکێ و دەوروبەری سەریهەڵدایەوە؛ بەهۆی بوونی پوش و پاوانی زۆر و سەختیی جوگرافیای ناوچەکە، ئاگرەکە زیانی بە زیاتر لە 1 هەزار دۆنم زەوی و باخی هاونیشتمانییان گەیاندووە و مەترسیی لەسەر گوندەکانی دیکەی سنوورەکە دروستکردووە.
فڕێدانی خۆڵ لە سیتەک بە دوو ماددە سزا دەدرێت
پۆلیسی دارستان: ئاگرەکەی سیتەک کۆنتڕۆڵ کرا و 20 دۆنم پوش و پاوان سووتا
پەیامنێرى کەناڵ8: ئاگرێکی گەورە لە شارەدێی سیتەک لە سلێمانی کەوتووەتەوە
