ئەو هاونیشتمانییە لە ڕێگەى گەڕانەوەى بۆ ماڵەوە ئەو پارچانەى دۆزیوەتەوە.
ئەو لە ڕێگەی کەناڵ8وە پارچەکانى گەیاندە مۆزەخانەی سلێمانی.
لە گوندی ڕەشانی شارۆچکەی پێنجوێنەوە، چیرۆکێکی پڕ لە هەستی بەرپرسارێتی و ڕەسەنایەتی دەست پێ دەکات. خەڵات، کە دانیشتوویەکی ئەم گوندەیە، لە ڕێگەی گەڕانەوەیدا بۆ ماڵەوە، چەند پارچەیەکی شوێنەواریی دەگمەن لەسەر ڕێگاکەی دەدۆزێتەوە.
ئەو پارچانەی کە بەهۆیەوە خەڵات نەیهێشت مێژوو لە گوندەکەیدا ون ببێت.
پەیامنێرى کەناڵ8 هێناویەتییە شوێنە گونجاوەکەیی خۆی.
تاکو بە پارێزراوی ڕادەستی مۆزەخانەیان بکات و بیانگەڕێنێتەوە باوەشی مێژوو.
بە توێژینەوە سەرەتاییەکان ئەوە ڕوونبویەوە کە مێژووی پارچەکان بۆ هەزاران ساڵ پێش ئێستا دەگەڕێنەوە.
مۆزەخانەی سلێمانی، گەورەترین مۆزەخانەی هەرێمی کوردستان و دووەم گەورەترین مۆزەخانەیە لەسەر ئاستی عێراق لە دوای مۆزەخانەی نیشتمانیی بەغداد.
مۆزەخانەکە مێژووی ناوچەکە لە چاخەکانی بەردینەوە تاوەکو سەردەمی عوسمانی و ئیسلامی دەپارێزێت.