بریکارێکی خۆراک: پێنج ساڵە بەزالیا بەناوی لەتکەنۆک دابەش دەکرێت

بریکارێکی خۆراک: پێنج ساڵە بەزالیا بەناوی لەتکەنۆک دابەش دەکرێت

00:00/00:00

پووختەى هەواڵ

  • ماددەکانی بەشەخۆراکی مانگانە بە دەگمەن بە ڕێکوپێکی دەدرێن.

  • بەشێک لە ماددەکان کوالێتییان خراپە و هاونیشتمانییان وەریان ناگرن.

  • یەکێک لە ماددەکان لەتکەنۆکە، ئێستا دەرکەوتووە ئەویش نۆک نییە.


سەبری ئەحمەد، بریکارێکی خۆراکە لە سلێمانی، بە کەناڵ8ـی ڕاگەیاند: "ئەو ماددە خۆراکییەی بەناوی لەتکەنۆک دابەش دەکرێت، بەزالیای وشککراوە و لەتکراوە، کاتێک دەکرێتە ناو خواردنەوە دەنکەکەی زۆر لە قەبارەی خۆی گەورەتر دەبێت." گوتیشی: "هەربۆیە زۆرینەی هەرەزۆری هاونیشتمانییان وەری ناگرن و ئەگەر پێویستییان بە لەتکەنۆک بێت لە دەرەوە دەیکڕن."


سەبری ئەحمەد:

  • ئێستا بەهۆی جەنگی ناوچەکە و گرانبوونی ماددە خۆراکییەکان، زۆرینەی هاونیشتمانییان بەشەخۆراکی مانگانەیان وەردەگرن.

  • مانگی ڕابردوو برنجی تایلەندی لە جیاتی برنجی ئەمریکی دابەش کراوە.

  • %90ـی هاونیشتمانییان برنجەکەیان وەرگرتووە چونکە جیاواز بووە لەوانەی پێشوو و تامی خۆش بووە.

کەناڵ8 پەیوەندیی بە کامەران فەتاح، بەڕێوەبەری بەشەخۆراکی سلێمانییەوە کرد، گوتی: "ئەو ماددە خۆراکییانەی دابەش دەکرێن لە هەموو عێراق هاوشێوەی یەکن و ئێمە تەنیا دابەشی دەکەین، زانیاریمان نییە بەزالیایە یاخود لەتکەنۆکە."

زانیاریى زیاتر بۆ تۆ:

لە هەرێمی کوردستان 95%ـی هاونیشتمانیان فۆڕمی ئەلیکترۆنیی خۆراکیان هەیە

بەشێک لە بریکارەکانی خۆراک لە سلێمانى دادەخرێن

سەرەتای مانگی داهاتوو بەشە خۆراکی حەوتەم دابەشدەکرێت

Loading related news...