محەمەد ساڵح دیلان، ناسراو بە حەمە ساڵح دیلان، ساڵی 1927 لە گەڕەکی گۆیژەی شاری سلێمانی هاتووەتە دونیاوە، یەکێکە لە دیارترین شاعیر و مەقامبێژانی کورد.

حەمە ساڵح دیلان:

• قۆناغی سەرەتایی خوێندنی لە مزگەوتی شێخ بابە عەلی و خوێندنگەی خالیدییە دەستپێکردووە

• پاش تەواوکردنی خوێندن بووە بە فەرمانبەر

• لە سایەی بیر و باوەڕی نیشتمانپەروەرانەدا دووچاری گرتن و دوورخستنەوە بووە

• دیلان یەکێک بووە لە دیارترین شاعیرەکانی سەردەمی خۆی، لەسەر دەستی باوکی، رێی بۆ خۆشکراوە تاوەکو ببێت بە شاعیر

• کاریگەربووە بە شیعرەکانی: مەولەوی، پیرەمێرد، گۆران و سالم، هاوکات خوێنەری شیعری فارسی بووە و حافز و سەعدی کاریان تێکردووە

لە ئاستی ناوەڕۆکە شیعرییەکانیدا:

• گرنگییەکی زۆری بە باری هزر و لایەنی نیشتمانپەروەری داوە

• هۆشیار بووە بەرامبەر بە دۆخی رامیاریی سەردەمەکەی

• یەکەم هۆنراوەی خۆی لە بەندینخانەی کوت نووسیوە

• ڕەمز و نیشانی بەکارهێناوە

حەمە ساڵح دیلان، جگە لەوەی شاعیرێکی دیار و جواننووس بووە، خاوەنی دەنگ و سەدایەکی ناوازە و ئاسمانیی بووە، بە دەنگە خۆشەکەی، مەقامی گوتووە و بێهاوتابووە لە چڕینیدا و ئاوازی داناوە.

ڕێکەوتی 28ی تشرینی یەکەمی 1990، لە تەمەنی 63 ساڵیدا کۆچی دوایی کردووە.