عێراق و فەڕەنسا دۆسییەی ئاسایشی کەشتیوانی و وزە تاوتوێ دەکەن
پووختەی هەواڵەکە
فوئاد حسێن، وەزیرى دەرەوەى عێراق لەگەڵ ئەلیکساندەر گارسیا، باڵیۆزى فەرەنسا لە عێراق کۆبووەوە.
لە کۆبوونەوەکەدا باسیان لە ئاسایشى کەشتیوانى لە گەرووى هوورمز و پەرەسەندنەکانى ناوخۆى فەڕەنسا کردووە.
وەزارەتى دەرەوەى عێراق ڕاگەیێنراوێکى لەبارەى کۆبوونەوەکە بڵاوکردەوە و تیایدا ئاماژە بەوە دەکات، لە کۆبوونەوەکەدا وەزیرى دەرەوەى عێراق جەختى لەسەر پتەوکردنى پەیوەندییە مێژووییەکانى نێوان هەردوو وڵات و گرنگى برەودان بە هەماهەنگیی سیاسی و ئابووریى و وەبەرهێنان لە نێوان هەردوولا کردەوە.
ڕاگەیێنراوی کۆبوونەوەکە:
باس لە پەرەسەندنەکانى دۆخى ناوخۆى فەڕەنسا و خۆپیشاندانەکانى ئەمدواییە و هۆکارەکانى کراوە.
تاوتوێى چالاکیی کۆمپانیا فەرەنسییەکان لە عێراق کراوە.
چۆنیەتى بەرفراوانکردنى وەبەرهێنانی فەڕەنسا لە عێراق و کارئاسانیکردن بۆ کارەکانیان، کراوە.
لە کۆبوونەوەکەدا باس لە سەردانەکانى عەلى زەیدى، سەرۆکوەزیرانى عێراق کراوە بۆ چەند وڵاتێکى کەنداو و ناوچەکە.
پەرەسەندنەکانى دۆخى هەرێمایەتى و بەتایبەت ئاسایشى کەشتیوانى لە گەرووى هوورمز و کاریگەریى لەسەر ئابووریى و بازاڕەکانى وزە تاوتوێ کراوە.
لەگەڵ جەختکردنەوە لەسەر کەمکردنەوەى گرژییەکان و پشتبەستن بە چارەسەری دیپلۆماسى.
