پووختەى هەواڵ

• 11ـی تشرینی دووەمى هەموو ساڵێک بە ڕۆژی جیهانیی سینگڵەکان دیاریکراوە.

• لەم ڕۆژەدا سنگڵەکان دیارى بۆ خۆیان دەکڕن.

• بەشێک لە کۆمپانیاکان ئەم بۆنەیان بۆ فرۆشى زۆر و داشکاندن قۆستووەتەوە.

ئەم بۆنەیە لە بنەڕەتدا لە وڵاتی چینەوە دەستیپێکرد، لە ئێستادا بووەتە یەکێک لە گەورەترین و قەرەباڵغترین بۆنەکانی بازاڕکردنی ئۆنلاین و فرۆشتن لە جیهاندا.

مێژووی دروستبوونی ئەم ڕۆژە چۆن بوو؟

• ئەم بۆنەیە لە ساڵی 1993 لەلایەن چەند قوتابییەکی زانکۆی نانکینگ لە چین داهێنرا.

• ئامانجی سەرەتاییان ئەوە بوو کە ڕۆژێک بۆ کەسانی تەنیا یان سەڵت دیاری بکەن بۆ ئەوەی شانازی بە سەربەخۆیی خۆیانەوە بکەن و ئاهەنگی بۆ بگێڕن، بەپێچەوانەی ڕۆژی ڤالانتاینەوە.

• ئەم ڕێککەوتە پێکدێت لە چوار ژمارەی یەک (11/11)، کە هەر ژمارەیەک کە یەکە هێمایە بۆ کەسێکی تەنیا یان تاک.

بەکارهێنانى بۆ بازرگانى

• لە ساڵی 2009 کۆمپانیای ئەلیبابا و کۆمپانیا زەبەلاحەکانی دیکەی چینی ئەم بۆنەیەیان قۆستەوە و کردوویانە بە فێستیڤاڵێکی گەورەی داشکاندن و فرۆشتنی ئۆنلاین.

• لە ماوەی کەمتر لە 10 ساڵدا، ئەم ڕۆژە قەبارەی فرۆشتنی لە فرۆشتنەکانی بۆنەکانی "هەینی ڕەش " (Black Friday) و "سایبەر مەندەی" Cyber Monday لە ئەمریکا تێپەڕاند.

• ملیۆنان کەس لە سەرانسەری جیهان لەم ڕۆژەدا سەرقاڵی کڕینی ئۆنلاین دەبن، تەنیا وەک دیارییەک بۆ خۆیان (وەک پاداشتێک بۆ سەربەخۆیی و سینگڵبوونیان).

سەرەڕای ئەوەی لە ئێستادا ڕەهەندێکی گەورەی ئابووری و بازرگانی وەرگرتووە، بەڵام پەیامە بنەڕەتییەکەی بریتییە لە: جەختکردنەوە لەسەر ئەوەی کە مرۆڤ دەتوانێت ژیانێکی سەرکەوتوو، بەختەوەر و سەربەخۆ بژی بێ ئەوەی پێویستی بە هاوسەرگیریکردن یان پەیوەندیی سۆزداری هەبێت. شکاندنی ئەو تێڕوانینە نەگونجاوەی کە پێشتر لە کۆمەڵگاکاندا بەرامبەر کەسانی تەنیا یان سەڵت هەبوو.