پووختەى هەواڵەکە

• مارکۆ ڕوبیۆ: گەمارۆی ئابووری دژ بە ئێران وێرانکەر بووە.

• گفتوگۆکانی ڕووسیا و ئۆکرانیا بەرهەمدار بوون.

• پێویستە گفتوگۆکانی ڕووسیا و ئۆکرانیا ئەورووپییەکانیش لەخۆ بگرێت.

  ---

مارکۆ ڕوبیۆ، وەزیری دەرەوەی ئەمریکا دوای کۆبوونەوەی وەزیرانی دەرەوەی وڵاتانی جی 7 لە پاریس گوتی: "گەمارۆی ئابووری دژ بە ئێران هێندە وێرانکەرە کە ئێستا پێویست بە ئۆپراسیۆنی گەورەی سەربازی ناکات".

ناوەڕۆکى قسەکانى ڕوبیۆ:

• لە بارەی دانووستانەکانی نێوان ڕووسیا و ئۆکرانیا: "زۆر بەرھەمدار"ن.

• پێویستە گفتوگۆکان فراوانتر بکرێن بۆ ئەوەی ئەورووپییەکانیش لەخۆبگرن.

• بڕوامان وایە، گفتوگۆ سێقۆڵییەکان دەبێت لە کۆتاییدا هاوبەشە ئەورووپییەکانمان لەسەر مێزی گفتوگۆکان لەخۆ بگرێت.

• ئەوان بەشێکن لە چارەسەرکردن و یەکلاکردنەوەی ئەم کێشەیە بەشێوەیەکی درێژخایەن.

لێدوانەکانی ڕوبیۆ دوای ئەوە هات، ئەمڕۆ پاش تێپەڕبوونی نۆ مانگ، جارێکی دیکە ڕووسیا و ئۆکرانیا، بە نێوەندگیریی ئەمریکا، لە ئەبوزەبی پایتەختی ئیمارات، گفتوگۆکانیان دەستپێکردەوە و ڕۆژی چوارشەممەش بەردەوام دەبێت.

زانیاریی زیاتر بۆ تۆ:

گفتوگۆکانی نێوان ڕووسیا و ئۆکرانیا لە ئەبوزەبی دەستیپێکرد

کریملن: گفتوگۆکانی ئەبوزەبی لە نێوان ڕووسیا و ئۆکرانیا و ئەمریکا دەبێت

هێرشەکانی ئۆکرانیا توانای پاڵاوتنی نەوتی ڕووسیایان بە ڕێژەی 30% کەمکردووەتەوە