پووختەى هەواڵەکە:

• عەلى زەیدى لەگەڵ فالح سارى و عەلى تەمیمى ڕەشنووسى بودجەى تاوتوێکرد.

• لە بارەى دامەزراندن و گرێبەستەکانەوە بڕیارى نوێ دران.

• بڕیارەکان لە بودجەى 2027دا جێبەجێ دەکرێن.

• ڕەشنووسى بودجە بۆ هەموارکردنەوە گەڕێنراوەتەوە بۆ وەزارەتى دارایى.

عەلی زەیدی، سەرۆکوەزیرانی عێراق سەرپەرشتى کۆبوونەوەیەکى بۆ تاوتوێکردنی وردەکارییەکانی بودجەی فیدراڵی ساڵی 2027 کرد کە محەممەد عەلی تەمیم جێگری سەرۆکوەزیران و فالح ساری وەزیری دارایی ئامادەبوون.

بڕیار و ڕاسپاردەکانى کۆبوونەوەکە:

• بە هەمیشەیکردنى سەرجەم گرێبەستەکان و ئەو کارمەندانەى بە کرێی ڕۆژانە کار دەکەن.

• 120 هەزار کەس بە گرێبەست لە بودجەی 2027 دادەمەزرێن.

• ئەم دامەزراندنە هەموو کەرتەکان دەگرێتەوە و بەگوێرەى ڕێژەی دانیشتووان بەشێوەیەکی دادپەروەرانە لەنێوان پارێزگاکاندا دابەش دەکرێن.

• سەکۆیەکی ئەلیکترۆنى تایبەت بۆ دامەزراندن دەکرێتەوە بۆ دڵنیابوون لە دادپەروەری لەنێوان داواکاران.

• حکومەت کار دەکات بۆ دەستەبەرکردنی تەرخانکردنی پێویست بۆ جێبەجێکردنی بڕیارەکە.

• ئەم دامەزراندنە لە چوارچێوەی پەرۆشی حکومەتدایە بۆ دابینکردنی هەلی کار بۆ گەنجان و بەرزکردنەوەی سەقامگیری کار و ژیان.

پێشتر وەزارەتی دارایی عێراق بەهەمیشەییکردنی فەرمانبەرانی گرێبەستی لە ڕەشنووسی بودجەی 2027دا جێگیر کردبوو، بەگوێرەى لیژنەی دارایی ئەنجوومەنى نوێنەران، هەرێمی کوردستانیش دەگرێتەوە.

زانیاریى زیاتر بۆ تۆ:

بەهەمیشەییکردنی گرێبەستەکان لە بودجەی 2027 جێگیرکرا و هەرێم دەگرێتەوە