• هەوڵەکان بۆ گەڕاندنەوەی ئاسایش و هێورکردنەوەی دۆخەکە لە فەرەنسا چڕکراونەتەوە.

• لە چەند شار و ناوچەیەک کۆتوبەندی کاتی لەسەر هاتووچۆی شەوانە و گردبوونەوە دادەنرێت.

• سەندیکاکان بەنیازن دووبارە خۆپیشاندانى فراوان ڕێکبخەن.

دەسەڵاتدارانى فەرەنسا قەدەغەکردنی هاتووچۆ و ڕێگری لە گردبوونەوەیان لە هەندێک لە ناوچەکانی پاریس و چوار شارى دیکە ڕاگەیاند، ئەمەش وەکو هەوڵێک بۆ هێورکردنەوەی دۆخی شارەکە دوای چەند ڕۆژێک لە ناسەقامگیری و توندوتیژی لەنێوان پۆلیس و خۆپیشاندەران.

قەدەغەکە بەگوێرەى پۆلیسی پاریس:

• قەدەغەکردنی هاتووچۆ لە کاتژمێر 11ـی شەوی دووشەممە، تاوەکو کاتژمێر 6ـی بەیانیی ڕۆژی سێشەممە، لە چەند گەڕەکێکی پایتەختدا جێبەجێ دەکرێت.

• لە کاتژمێر 8ـی ئێوارەی دووشەممە، تاوەکو کاتژمێر 6ـی بەیانیی سێشەممە، هەر خۆپیشاندان و گردبوونەوەیەک لەو ناوچانەدا قەدەغە دەبن.

نووسینگەی سێباستیان لێکۆرنۆ، سەرۆکوەزیرانی فەرەنسا:

• قەدەغەى هاتووچۆ لە کاتژمێر 8ـی ئێوارە تاوەکو 6ـی بەیانی لە ڕۆژانی دووشەممە و سێشەممە لە چوار شاری باکوور دەچێتە بواری جێبەجێکردنەوە.

• لە شارەکانى لیل، واتینى و دواى و دینان قەدەغەى هاتووچۆ دەبێت.

• قەدەغەى هاتووچۆ بە مەبەستی پاراستنی بازاڕ و دامەزراوە بازرگانییەکانە.

قەدەغەکردنەکان لەکاتێکدان ڕێکخەرانی خۆپیشاندانەکان داوای ئەوە دەکەن، شەممەی داهاتوو خۆپیشاندانی نوێ بکرێت.

زانیاریى زیاتر بۆ تۆ:

گرانى؛ ئەورووپا دەهەژێنێت

"هەرگیز شتێکی لەم جۆرەم نەبینیوە" تاڵانی پاریسى گرتەوە

فەرەنسا شەوێکى دژوارى بەڕێکرد