کۆڕبەندی ستراتیجیی سلێمانی، شارەکەی کردووەتە چەقی بە یەکگەیشتنی بیرمەندەکانی جیهان.
لە چرکەساتی یەکەمی دەستپێکی گفتوگۆکانەوە، سلێمانی گۆڕا بۆ سەکۆیەکی ستراتیجیی نێودەوڵەتی.
کە دەنگ و بیرۆکە دژ بەیەک و جیاوازەکانی کۆکردووەتەوە.
پێکەوە نەخشە ڕێگەی چارەسەر بۆ قووڵترین کێشەکانی عێراق و ڕۆژهەڵاتی ناوەڕاست دابڕێژن.
لە پشت پەردەی پانێڵەکانى کۆڕبەندى ستراتیجیی سلێمانى، ئەوەی بە قووڵی سەرنجی دیپلۆماتکار و توێژەرە بیانییەکانی بە لای خۆیدا ڕاکێشاوە، ڕۆحی زیندووی شارى سلێمانى و ئەو کەشە ئارامەیە کە زەمینەی بۆ دیالۆگێکی ڕاشکاوانە ڕەخساندووە.
بە بڕوای ئەو میوانانەی لە وڵاتانی دیکەوە هاتوونەتە سلێمانی، لە جوگرافیایەکدا کە زۆرجار دەنگی گرژی و ململانێکان زاڵە، سلێمانی ڕێگایەکی دیکەی هەڵبژاردووە.
ئەوان دەڵێن شارەکە مۆرکێکی تەواو جیاواز لە هەموو شار و ناوچەکانی دیکەی عێراق و هەرێمی کوردستان وەرگرتووە.
لە کۆڕبەندی ستراتیجی سلێمانی، شارەکە وەکو پایتەختێکی زیندووی دیالۆگ وێنا دەکرێت، شارێک کە تێیدا جیهان کۆبووەتەوە بۆ ئەوەی هیوا و ڕێگەچارە بۆ داهاتوویەکی سەقامگیرتر بدۆزێتەوە
