پوختەی هەواڵەکە

• هەوکردنەکانی پێست، دەکرێت بەهۆی تووشبوون بە بەکتریا، ڤایرۆس و کەڕووەکانەوە بێت

• نیشانە نائاساییەکانی هەوکردنی پێست بریتین لە: زیپکەی کێمدار، هەڵدان و ڕەشبوونی پێست

هەوکردنی ئەندامەکانی جەستە یەکێکە لە حاڵەتە تەندروستییە باوەکان، بەشێکیان مەترسیدارن و بەهۆی تووشبوون بە هەندێک جۆری بەکتریا و ڤایرۆسی مەترسیدارەوە ڕوودەدەن کە مەترسیی تووشبوون بە شێرپەنجە زیاد دەکەن، چارەسەری هەوکردنەکان بە پێی جۆری هەوکردنەکە و ئاستی توندی حاڵەتەکە دەگۆڕێت، هەوکردنەکانی پێست، چەندین جۆری جیاوازیان هەیە، د. شلێر فایەق، پسپۆڕی نەخۆشییەکانی پێست و جوانکاری، چەند ڕێنماییەک سەبارەت بە هەوکردنەکانی پێست دەخاتەڕوو

د. شلێر فایەق، پسپۆڕی نەخۆشیەکانی پێست و جوانکاری، سەبارەت بە جۆرە باوەکانی هەوکردنی پێست، دەڵێت:

• پێست گەورەترین ئەندامی جەستەیە و یەکێک لە ئەرکەکانی پاراستنی جەستەی مرۆڤە لە هەوکردن

• هەندێکجار پێستیش تووشی هەوکردن دەبێت

• هەوکردنی پێست چەندین نیشانەی هەیە و هەندێکیان ئاساین و هەندێکیان مەترسیدارن

جۆرە باوەکانی هەوکردنی پێست

• هەوکردن بەهۆی بەکتریا: ئەم جۆرە هەوکردنە بە بڵۆقێکی بچوکی سوور دەست پێدەکات کە بەرە بەرە گەورە دەبێت، چارەسەری هەوکردنەکان بەپێی توندیی هەوکردنەکە دەگۆڕێت

• هەوکردن بەهۆی ڤایرۆس: دڕکەومێکوتە، سوورێژە و بالوکە چەند نمونەیەکن، ئەم جۆرە هەوکردنە زۆربەی کات یەک بۆ دوو مانگ دەخایەنێت، بەڵام جۆرە مەترسیدارەکانی دەکرێت بگەنە هەشت مانگ و نیشانەکانی بەپێی جۆری ڤایرۆسەکە دەگۆڕێت

• هەوکردن بەهۆی کەڕووەکان: کەڕووەکان زیاتر لە شوێنی شێداردا گەشەدەکەن، وەک بنباڵ و پێیەکان

• هەوکردن بەهۆی مشەخۆرەکان: ئەم جۆرە هەوکردنە زۆربەی کات تەنیا لە پێستدا نییە و دەگوازرێتەوە بۆ خوێن

نیشانە ئاساییەکانی هەوکردنی پێست

• سووربوونەوە

• خوران

• ئازار

نیشانە مەترسیدارەکانی هەوکردنی پێست

• بلق و لیر

• زیپکەی کێمدار

• هەڵدانی پێست

• ڕەشبوونی پێست

زانیاریی زیاتر

بۆ دەستکەوتنی زانیاریی زیاتر دەتوانن سەردانی ئەم لینکەی خوارەوە بکەن

هەوکردنی توندی پێست چۆن دەناسرێتەوە؟ | CHANNEL8