• یارییەکە ئەمشەو لە مەدرید لە نێوان ئەتلەتیکۆ مەدرید و بەرشلۆنە بەڕێوەدەچێت.

• ئەتلەتیکۆ مەدرید بە جیاوازی دوو خاڵ لە پلەی دووەمدایە و هەوڵی سەرکەوتن دەدات.

• دیێگۆ سیمۆنی دەیەوێت ببێتە یەکەم ڕاهێنەر کە 345 بردنەوە لە لالیگادا تۆمار بکات.

• بەرشلۆنە پێشەنگی خولەکەیە و 46 گۆڵی تۆمارکردووە.

ئەم یارییە بەهێزەی لالیگا هەردوو گەورەکەی ئیسپانیا، ئەتلەتیکۆ مەدرید و بەرشلۆنە، ئەمشەو کاتژمێر 23:00 لە مەدریدی پایتەخت بەڕێوەدەچێت، لە کاتێکدا دیێگۆ سیمۆنی راهێنەری خاوەن یاریگە ئامانجییەتی مێژوو لە لالیگادا تۆمار بکات.

ئەتلەتیکۆ مەدرید دوای بردنەوەی لە لیڤانتی و پێشکەشکردنی ئاستێکی بەرز، حەوتەمین سەرکەوتنی بەدوای یەکی لە لالیگادا تۆمار کرد. سەرەڕای تووشبوونی بە شکستێکی ئەورووپی بەرامبەر بایرن میونشن، بەڵام ئێستا تیپەکە تەواوی سەرنجی لەسەر کێبڕکێی نازناوەکانە، چونکە لە پلەی دووەمدایە و تەنیا دوو خاڵ لە پێشەنگەوە دوورە. بردنەوەی ئەو یارییە دەبێتە هۆی پێشکەوتنیان بەسەر بەرشلۆنەی پێشەنگ و دەستەبەرکردنی ژمارەیەکی پێوانەیی بۆ سیمیۆنی وەک یەکەم راهێنەر کە بگاتە 345 بردنەوە.

لە بەرامبەردا، بەرشلۆنە کە لە خولی یانە پاڵەوانەکان سەرکەوتنی بەدەستهێناوە، دەیەوێت ڕێگری لە سیمۆنی بکات و پێشەنگی خۆی بپارێزێت. یانە کەتەلۆنییەکە بە تۆمارکردنی 46 گۆڵ لە 11 یاری لالیگادا ئاستێکی نایاب پێشکەش دەکات. ئەگەر بتوانن سەرکەوتن بەدەستبهێنن، دەبنە خاوەنی شەش بردنەوەی لەسەریەک لە دەرەوەی یاریگەی خۆیان.