پووختەى هەواڵەکە

• بە سەدان هەزار کەس هاتوونەتە سەر شەقامەکانی فەڕەنسا.

• بە هۆی دروستبوونی گرژی و ئاڵۆزی 1200 کەس دەستگیرکراون.

• 150 پۆلیسى چالاکییە مەدەنییەکان و هێزە ئەمنییەکان برینداربوون.

• خۆپیشاندانەکانی فەڕەنسا بەهۆی گرانی و تێچووی ژیانەوەیە.

  ---

ئەمڕۆ یەکشەممە، فەڕەنسییەکان کاتێک لە خەو خەبەریان بووەوە، پاشماوەی پێکدادانی شەوی ڕابردووی نێوان پۆلیس و خۆپیشاندەرانیان بینی، کە دوێنێ و شەوی ڕابردوو خۆپیشاندەران هەرچییەکیان بەردەستکەوت شکاندیان و تاڵانی و کاولکارییەکی بەرچاو شارەکانی پاریس و لیۆن و چەندین شوێنی دیکەی ئەو وڵاتەی گرتەوە.

شەوى ڕابردوو فەڕەنسا کوڵا

• خۆپیشاندانەکان تەنیا شەش مانگ بەر لەو هەڵبژاردنانەیە کە جێگرەوەی ئیمانوێل ماکرۆن، سەرۆکی فەڕەنسا دیاری دەکات.

• شارەوانیی پاریس ڕایگەیاند، هەموو شەقامەکانی پاریس تێکدراون.

• بە تایبەت کاتێک دوێنێ گرووپێکی گەنج بە ماسکەوە چوونە سەر چەندین فرۆشگا و دووکان و بازاڕ.

• سەرۆکوەزیرانی فەڕەنسا، سەرکۆنەی دروستبوونی گرژییەکانی کرد.

• سەرۆکوەزیرانی فەڕەنسا: 1200 کەس دەستگیرکراون.

• 150 ئەفسەری پۆلیس برینداربوون.
  
  ئەم خۆپیشاندانانە کە پایتەختی فەڕەنسا و شارەکانی دیکەشی گرتوەتەوە بە تایبەت بەهۆی خراپیی دۆخی ژیان و درووستبوونی گرانی بوو، بە گوێرەی وەزیری ناوخۆی وڵاتەکە،550 هەزار کەس بەشدار بوون، بەڵام ئەو یەکێتییانەی خۆپیشاندانەکانیان ڕێکخستبوو، ئاماژەیاندا بەوەی800 هەزار کەس بەشداریی خۆیشاندانەکان بوون.

زانیاریی زیاتر بۆ تۆ:

خۆپیشاندانی خوێندکارانی ئامادەیی لە سەرتاسەری فەرەنسا بەردەوامە

ترەمپ: ئەوەی لە فەرەنسا ڕوودەدات هۆکارەکەی ئیسلام و کۆچبەرانە

فەڕەنسا لەبەردەم ناڕەزایەتیدا؛ خوێندکاران شەقامەکانی پاریس دەهەژێنن