پووختەى هەواڵەکە

• وەزارەتی كارەبا: پێدانی کارەبا لە چوار کاتژمێرەوە کرا بە شەش کاتژمێر.

• هەردوو وێستگەى کارۆئاویی دووکان و دەربەندیخان خراونەتەکار.

  ---

بە گوتەى ئومێد ئەحمەد، گوتەبێژی وەزارەتی كارەبا، بە هۆی هێرشەکەی سەر كێڵگەی كۆرمۆر، گواستنەوەی گازی سروشتی لە کێڵگەکە بۆ وێستگەکانی بەرهەمهێنانی کارەبا ڕاگیراوە، لیژنەکان هەڵسەنگاندن بۆ خەمڵاندنی زیانەکانی دەکەن و دواتر بڕیار لەسەر کات و چۆنییەتی دەستبەکاربوونی دەدرێت.

زانیاریى کەناڵ8:

• بڕى بەرهەمهێنانى کارەبا لە هەردوو وێستگەى کارۆئاویی دووکان و دەربەندیخان زیادکراوە.

• لە دووکان سێ تۆڕبارین و لە دەربەندیخان دوو تۆڕباینى دیکە خراونەتە کار.

ڕۆژى 8ـى تشرینى دووەمى 2026، هێرشکرایە سەر کێڵگەى کۆرمۆر و بە هۆیەوە بەرهەمهێنانى غاز ڕاگیرا و کاتژمێرەکانى پێدانى کارەبار کەمکرایەوە.

دواتریش وەزارەتی كارەبا و سامانە سروشتییەكان و لە ڕاگەیێنراوێکى هاوبەشدا ڕایانگەیاند، لەهەوڵدان بۆ ئەوەی هێرشەكە كەمترین كاریگەریی لەسەر كاتەكانی پێدانی كارەبا هەبێت لەسەر هاوبەشانی كارەبا و، بەزووترین كات بارودۆخی كارەبا ئاسایی بێتەوە.

زانیاریی زیاتر بۆ تۆ:

ڕاگەیێنراوی هاوبەشی وەزارەتی سامانە سروشتییەكان و وەزارەتی كارەبا