لە هێرشێکدا بۆ سەر بازاڕێکی میلـلی لە یەمەن لانیکەم 30 کەس کوژران

Civil defence workers and people search for survivors under the rubble of houses destroyed by an air strike near Sanaa Airport March 26, 2015. Saudi Arabia and Gulf region allies launched military operations including air strikes in Yemen on Thursday, officials said, to counter Iran-allied forces besieging the southern city of Aden where the U.S.-backed Yemeni president had taken refuge. REUTERS/Khaled Abdullah - RTR4UXDR

پووختەی هەواڵەکە

لە پارێزگای تەعز لە یەمەن هێرشکرایە سەر بازاڕێکی میاـلی و دەیان کوژراو و برینداری سڤیلی لێکەوتەوە.
حوسییەکان و دەسەڵاتدارانی حکومەتی یەمەن یەکتر بە ئەنجامدانی ئەو هێرشە تۆمەتبار دەکەن.

لە ڕاگەیێنراوێکدا کە ئاژانسی هەواڵی سەبای سەر بە حوسییەکان بڵاویکردەوە، ئاماژە بەوەکراوە کە ژمارەی کوژراوانی هێرشی سەر ئەو بازاڕەی باشووری ڕۆژئاوا یەمەن، بەرزبووەتەوە بۆ لانیکەم 30 کوژراو و هەشت کەسی دیکەش برینداربوون.

دۆخی ئاڵۆزی یەمەن

حوسییەکان دەڵێن، هێرشەکە لە لایەن فڕۆکەکانی هاوپەیمانی بە سەرکردایەتی سعودیە و لەڕێگەی سێ هێرشی ئاسمانییەوە ئەنجامدراون.
پێگەی فەرمیی حکومەتی یەمەن هەواڵەکەی بە پێچەوانەوە گیڕاوەتەوە و حوسییەکان بە ئەنجامدانی تۆمەتبار دەکەن.
حکومەتی یەمەن هێرشەکە سەرکۆنە دەکەن و بە توندی ڕەتیدەکەنەوە کە فڕۆکە جەنگییەکانی هاوپەیمانان هیچ ئۆپەراسیۆنێکی ئاسمانییان لە ناوچەی ئەلوازعییە لە پارێزگای تەعز ئەنجامدابێت.
حکومەتی یەمەن حوسییەکان تۆمەتبار دەکات بەوەی کە بە مووشەکێکی بالیستیکی هێرشیان کردووەتە سەر بازاڕەکە، هاوکات کوژرانی 30 کەسی سڤیل و برینداری بوونی دەیانی دیکەیان پشتڕاستکردووەتەوە.

تاوەکو ئێستا سەرچاوە سەربەخۆکان نەیانتوانیوە بە وردی جۆری چەکی بەکارهاتوو و ژمارەی تەواوی قوربانیان لەو هێرشەدا پشتڕاست بکەنەوە.