پووختەى هەواڵەکە:

• دیدارى گوڵەخانە دەستیپێکرد و بەرپرسانى باڵا بەشدارن.

• هێمن هەورامى و سەعدى ئەحمەد پیرە پێکەوە بەشداریى پانێڵێکیان کرد.

• هێمن هەورامى دیدى حیزبەکەى بۆ ئێستا پرۆسەى حوکمڕانى خستەڕوو.

لە سەرەتاى قسەکانیدا هێمن هەورامى ئەندامی مەکتەبی سیاسی پارتى دیموکراتى کوردستان، ئاماژەى بە دۆخى ڕۆژهەڵاتى ناوەڕاست و جیهان کرد، کە بە بۆچوونى ئەو ئێستا جیهان بە قۆناغى نائاشتى و ململانێى زلهێزەکان تێدەپەڕێت، هێمن هەورامى دوایین پێشنیازى حیزبەکەى بۆ شێوازى حوکمڕانى لە هەرێمى کوردستان خستەڕوو.

هێمن هەورامى:

• ئێستا لە جیهاندا 61 جەنگ لە نێوان وڵاتان لە ئارادان.

• بە دروستى ڕۆژهەڵاتى ناوەڕاست لە قەیرانێکى قووڵدایە.

• ناکۆکییە ناوخۆییەکانى وڵاتان کاریگەرییان لەسەر پەیوەندییەکان هەیە.

• ڕۆژهەڵاتى ناوەڕاست بە قەیرانى شەرعییەتى دەسەڵات تێدەپەڕێت.

• ئێستا باس لە داڕشتنەوەى ڕۆژهەڵاتى ناوەڕاست دەکرێت.

• پێویستمان بە تێگەیشتنێکى هاوبەش هەیە نەک لەنێوان پارتى و یەکێتى بەڵکو لەنێوان لایەنەکانى دیکە و نوخبەش.

• پارتى بۆ هاوکێشەى ڕۆژهەڵاتى ناوەڕاست ژمارەیەک دیدى هەبێت.

• پرسیارى ئێمە ئەوەیە ئایا هەموو لایەنەکان لەسەر پاراستنى قەوارەى هەرێمى کوردستان هاوڕان.

• دەبێت ڕێز لە ئیرادەى خەڵکى کوردستان بیگرێت، تاکەى ڕێز لە دەرئەنجامەکانى هەڵبژاردن ناگیرێت.

• دروستنەکردنى دامەزراوەیى دەستووریى یەکێک لە هەڕەشەکان و وادەکات هەڕەشەکانى دیکە کاریگەرییان زیاتر بێت.

• شاندنى دانوستانکار پێیانگوتوین خراپترین ڕەشنووسى بودجە لە مێژووى پرۆژەکانى بودجەى عێراقدا ئەوەیە کە ئێستا نووسراوە.

• لە سەردەمى هیچ کابینەیەکدا بودجەى وا خراپ نەبووە.

• بە دانوستانى تەکنیکى ناگەینە ئەنجام، ئەوەى دانراوە سزایە بۆ هەرێمى کوردستان.

• پێویستە هاوپەیمانییەك لەناو لایەنە كوردستانییەكان لە بەغداد دروست بكرێت بۆ ڕووبەڕووبوونەوەی هەمواری دەستوور و بودجە.

• میکانیزمى هەرە گەورە بۆ دەربازبوون لە قەیرانەکان کارابوونى دامەزراوەکانە.

• پێشکەوتنى باش لە نێوان پارتى و یەکێتى هاتووەتە ئاراوە.

• دروستکردنى ئەنجوومەنى باڵاى سیاسى بە پەسەند دەزانین.

• دیدى ئێمە وایە هەرێمى کوردستان فاکتەرى سەقامگیرى بێت و نەبێتە لایەندار لە شەڕ و ململانێکانى ناوچەکەدا.

• دوو ساڵ بەسەر هەڵبژاردن تێپەڕیوە، داوامان لە هەموو لایەنەکان کرد پێکەوە حکومەتى یەکڕیزیى نیشتماتنیى پێکبهێنین، بەڵام لایەنەکان بە دەم داواکارییەکەمانەوە نەهاتن.

• پرسیارەکەمان ئەوەیە ئەگەر کار بە ئەنجامى هەڵبژاردن نەکرێت و هەر بگەڕێینەوە بۆ ڕێککەوتنى حیزبەکان بۆ هەڵبژاردن بکرێت.

• پرسیارمان بۆ لایەنەکان ئەوەیە ئەگەر کار بە ئەنجامى هەڵبژاردن ناکرێت، زۆر ئاساییە با وەکو دوو حیزب ڕێککەوتنێکى 10 ساڵە بکەین، بەڵام داواى لە کونسوڵخانە و حیزبەکان بکەین کەس داواى هەڵبژاردنمان لێنەکات.

• پارتى و یەکێتى بۆ قۆناغێکى ڕاگوزەر حوکمڕانى ئەم وڵاتە بکەینەوە.

• ئەگەر ئەمە ناکرێت ئەوە هەڵبژاردن، ئەگەر ئەوەش ناکرێت با پەرلەمان هەڵبوەشێنینەوە و هەڵبژاردنى پێشوەختە بکەین.

چوارەمین دیدارى گوڵەخانە بە وتارى محەممەدى حاجى مەحموود دەستیپێکرد و بڕیارە ژمارەیەک پانێڵ پێشکەش بکرێن.