پووختەى هەواڵەکە

• کەشناسیی عێراق: پلەکانی گەرما دادەبەزێت.

• پێشبینی بارانبارینی بە لێزمە و دابەزینی پلەکانی گەرما لە هەرێمی کوردستان.

  ---

کەشناسیی عێراق لە ڕاگەیێنراوێکدا دەڵێت، ڕۆژی شەممە بە گشتی ئاسمان هەورە دەبێت، لەگەڵ ئەگەری بارانبارینی مامناوەند لە هەرێمی کوردستان و ناوەڕاست عێراق، هەندێک کات بارانبارینەکە دەگۆڕێت بۆ بارانی بە لێزمە.

بە گوێرەى ڕاگەیێنراوەکە

• ڕۆژی شەممە لە باشووری عێراق ئەگەری نمەباران هەیە.

• پلەکانی گەرماش لە هەرێمی کوردستان چەند پلەیەک دادەبەزێت.

• لە باشووری عێراق وەک خۆی دەمێنێتەوە.

پلەکانی گەرما لە پارێزگاکان بۆ ڕۆژی شەممە بەمشێوەیە دەبێت:

سلێمانی و دهۆک 16، هەولێر 18، نەینەوا 19، کەرکوک 20، دیالە 22، سەڵاحەدین 23، ئەنبار 24، بەغداد و کەربەلا 25، بابل و واست 26، نەجەف 28، دیوانییە و میسان و موسەننا 29، زیقار 31 و بەسڕە 33.

کەشوهەوای ڕۆژانى دوایی

• ئاسمان نیمچە هەرو دەبێت.

• لە ڕۆژهەڵاتی عێراق بارانی بە لێزمە دەبارێت.

• تەمێکی کەم لە هەرێمی کوردستان و ناوەڕاستی عێراق دروست دەبێت.

• پلەکانی گەرما بە گشتی دابەزینی زیاتر تۆمار دەکات.

• ڕۆژی دووشەممە کەشوهەوا جێگیر دەبێت.

• ئاسمان ساماڵ بۆ نیمچە هەور دەبێت.

• پلەکانی گەرما لە هەرێمی کوردستان و ناوەڕاستی عێراق زیاتر دادەبەزێت.

سەبارەت بە کەشوهەوای سێشەممە، ئاسمان بە گشتی ساماڵ دەبێت، دوای نیوەڕۆی هەمان ڕۆژ دەگۆڕێت بۆ نیمچە هەور و ئەگەری بارانبارینێکی کەم لە باشووری عێراق هەیە، پلەکانی گەرما لە هەرێمی کوردستان و ناوچەکانی دیکەی باکووری عێراق بەرزبوونەوە تۆمار دەکەن.