پووختەى ڕاپۆرت

• باخەوانانى سلێمانى سەربارى قورسیی ئەرکەکانیان، ڕێگە نادەن سیماى سەوزى شارەکە بژاکێت.

• باخەوانانى سلێمانى ژمارەیان هەرچەندە بەردەوام کەم دەکات، بەڵام خزمەتەکانیان زیادیکردوە.

  ---

ئەمە دەنگی ژیانەوەی خاکە، رەنگدانەوەی دەستە رەنگینەکانی باخەوانانی سلێمانییە کە سەرباری قورسیی ئەرکەکانیان، ڕێگە نادەن سیمای سەوزایی شارەکە بژاکێت.

باخەوانانى سلێمانى

• لە پارکی ئازادی، ژمارەی کرێکاران لەسەرەتای کردنەوەی پارکەکەوە تاوەکو ئێستا لە 170 کرێکارەوە بۆ تەنیا 60 کرێکار کەمبووەتەوە.

• واتە سێ هێندە کەمترە لە جاران، بەڵام هاوکێشەکە لێرەدا پێچەوانەیە کرێکار کەمتر و ڕووبەری سەوزایی و ئەرکی سەرشانیان زۆرتر.

• کەمبوونەوەی باخەوانەکان لە تەواوی باخچەکانی سلێمانی رەنگیداوەتەوە.

• بە گوێرەی ئامارە فەرمییەکان لە ماوەی تەنیا چوار ساڵی ڕابردوودا لە سلێمانی، 321 باخەوان و کرێکار خانەنشین بوون یان کۆچی دواییان کردووە.

• تاوەکو ئێستا لە لایەن حکومەتی هەرێمی کوردستان هیچ جێگرەوەیەکیان بۆ دانەنراوە و هێزی کاری نوێ دانەمەزراوە.

ڕووبەری سەوزایی لە شاری سلێمانی گەیشتووەتە 23.6% کە ستانداری جیهانی تێپەڕاندووە، ئەوەش بە هۆی هەبوونی 529 باخچە، 7 پارکی گەورە و 85 بلواری ناوەندی، بەڵام ئەو شوێنانە بەردەوام پێویستییان بە خزمەتگوزاری و نوێکردنەوە هەیە.