پووختەى هەواڵەکە

• بە بەشدارى 33 هەنگەوان بەرهەمە جیاوازەکانی هەنگوین پێشکەش دەکرێت.

• جۆرە جیاوازەکانی هەنگوینە و بەرهەمی هەنگوینی تێدایە.

• جۆرێکى تێدایە یەک کیلۆی بە 200 هەزار دینارە.

  ---

هەنگەوانان دەڵێن بەشداریکردنیان لەم فێستیڤاڵە بوەتە هۆکارى ئەوەى کە سود لە ئەزمونى یەکدى وەربگرن و ڕێنمایی ئەوەش بە هاونیشتمانیان دەدەن، لە دەستی یەک هەنگوین بکڕن، هەم بۆ دڵنیابوون لە کوالێتی بەرهەمی هەنگوین، هەمیش دڵنیایی لە ناوخۆیی بوونی، هەروەها سەلامەتیی و هەم لە ڕووی دانانی نرخ و گرانفرۆش نەکردنی لەلایەن بازاڕەوە.

بەرهەمى هەنگوینە جیاوازەکان لە فێستیڤاڵەکە

• بەرهەمی هەنگوینی تێدایە کە یەک کیلۆی بە 200 هەزارە.

• بەرهەمی هەنگوینەکە لە شوێنێک بۆ شوێنێک جیاوازە.

• لە شاخەکاندا بەرهەمدەهێندرێن یاخود ناوچە جیاوازەکان.

لە ڕۆژی 6ـی تشرینی دووەمی 2026، نۆیەمین ڤیستیڤاڵی ساڵانەی هەنگوین و بەرهەمەکانی هەنگ لە پارکی ئازادیی شاری سلێمانی کرایەوە و بۆ ماوەی چوار ڕۆژ بەردەوام دەبێت.

ئەم فێستیڤاڵە بە چاودێریی وەزارەتی کشتوکاڵ و سەرچاوەکانی ئاو و لەلایەن کۆمەڵەی هەنگەوانانی کوردستانەوە بەڕێوەچێت. بەگوێرەی بەڕێوەبەرایەتی گشتی کشتوکاڵی سلێمانی، ئامانجی سەرەکی لە سازکردنی ئەم چالاکییە، گرنگیدانە بە بەرهەمی ناوخۆیی، ڕەخساندنی دەرفەتی بازاڕکردن، و ساغکردنەوەی بەرهەمە نیشتمانییەکان بەپێی پێوەرەکانی کوالێتی، جۆر، تام و بۆن، بە مەبەستی پشتیوانیکردنی زیاتری هەنگەوانان و پەرەپێدانی کەرتی کشتوکاڵی لە هەرێمدا.

زانیاریی زیاتر بۆ تۆ:

فێستیڤاڵى هەنگوین لە هەناوى سلێمانی دا بەڕێوەدەچێت