کۆمارییەکان لە هەڵبژاردنى نیوەخولدا زۆرینەى هەردوو ئەنجومەنى پیران و نوێنەرانیان لەدەستدا.
پێشتر ترەمپ گوتبووى دواى هەڵبژاردنەکە جەنگى ئێران کۆتایى دێت، بەڵام ڕەتیکردەوە واى گوتبێت.
ترەمپ ڕەتیشکردەوە نیازى هەبێت وەزیرى جەنگ بگۆڕێت.
دۆناڵد ترەمپ، سەرۆکی ئەمریکا دوای لە دەستدانی زۆرینەی کۆنگرێس ڕایگەیاند، ئەگەر ناچار بێت بڕیار لەسەر ئێران بداتەوە، هەمان بڕیاری پێشووی دەبێت و ڕێگە نادات ئەوان ببن بە خاوەنی چەکی ئەتۆمی.
دەمزانی جەنگ کاریگەریی لەسەر هەڵبژاردن دەبێت.
بەبێ گوێدانە ئەو کاریگەرییە، ناتوانین ڕێگە بە ئێران بدەین ببێتە بە خاوەنی چەکی ئەتۆمی.
ئەگەر ناچاربم جارێکی دیکە بڕیار سەبارەت بە ئێران بدەمەوە، هەمان بژاردەی پێشووم دەبێت.
ئێمە کارێکی نایابمان کردووە لە ئێران، توانا سەربازییەکانیانمان هەڵوەشاندووەتەوە و گەرووی هوورمز بە کراوەیی ماوەتەوە.
دۆناڵد ترەمپ گوتیشى “هەرکاتێک من بمەوێت جەنگ لەگەڵ ئێران کۆتایی دێت، بەڵام من نەمگوتووە دوای هەڵبژاردنی نیوە خول جەنگ کۆتایی دێت”.