پووختەى هەواڵ

• لە ئەنجوومەنەکانى پیران و نوێنەران دیموکراتەکان بردیانەوە.

• کۆتایی بە دەسەڵاتی 24 ساڵەی کۆمارییەکان لە ویلایەتی جۆرجیا دەهێنێت .

• لە ڕکابەرە ملیاردێرەکەی لە ویلایەتێکی ئەمریکا دەباتەوە.

کیشا لانس بۆتۆمس ناوی چووە مێژووی سیاسیی ئەمریکا و بە حاکمی ویلایەتی جۆرجیا هەڵبژێردرا کاتێک لە ڕکابەرەکەی ریک جاکسۆن، ملیاردێری کۆماریی بردەوە، دەرئەنجامەکە بە یەکێک لە بابەتە چاوەڕوان نەکراوەکانی هەڵبژاردنەکانی نیوەخولی ئەمریکا دادەنرێت.

ڕکابەرەکەی بۆتۆمس:

• لە ڕووی داراییەوە بەهێز بوو و تەنانەت ملیاردێر بوو.

• بە جۆرێک 200 ملیۆن دۆلاری ئەمریکی لە سامانی کەسی خۆی بۆ کەمپینی هەڵبژاردنەکان خەرجکرد.

• پاڵپشتی سەرۆکی ئەمریکاشی هەبووە، بەڵام لە کۆتایدا شکستی هێنا.

حاکمى نوێ

• کیشا لانس بۆتۆمس لە دوای برایان کیمب، پۆستی حاکمی ویلایەتی جۆرجیا وەردەگرێت.

• بە فەرمی دەبێتە یەکەم ژن لە مێژووی ویلایەتەکە کە ئەم پۆستە بە ڕێوەبەرێت.

• کیشا تەمەنی 56 ساڵە و پارێزە و سیاسەتمەداری دیموکراتەکان، هەر لە ویلایەتی جۆرجیا لەدایکبووە و گەورەش بووە.

• خێزانەکەی تاوەکو پێنج نەوە هەر لەم ویلایەتە ژیاون و خۆشی کچی گۆرانیبێژی ئەمریکی کۆچکردوو، مەیجەر لانس.

• لانس، لە زانکۆی فلۆریدا زانستە سیاسییەکانی خوێندووە و لە دوایدا لە زانکۆی ویلایەتی جۆرجیا بووەتە خاوەنی بڕوانامەی پارێزەری.