پووختەى هەواڵ

• ئێران بە دۆڕانى کۆمارییەکان خۆشحاڵە.

• دواى دەرکەوتنى ئەنجامەکانى نیوەخول تمەتى جوڵەى تێکەوت.

• لە سەردەمى ترەمپدا تمەن ڕۆژگارى ڕەشى بەڕێکرد.

بەهاى تمەنى ئێرانى لە ناوخۆى ئێران بەرزبوونەوەى تۆمارکردو 100 دۆلار بە 26 ملیۆن و 750 هەزار تمەنە، ئەوەش دواى ئەوەى کۆمارییەکان لە هەڵبژاردنى نیوەخول دۆڕاندیان.

دۆخى بۆرسەى ئێران:

• لە 24 کاتژمێرى ڕابردوو بەهاى 100 دۆلار بە 27 ملیۆن و 350 هەزار تمەن بوو.

• ئێستا بەهاى 100 دۆلار بە 26 ملیۆن و 750 هەزار تمەنەو 600 هەزار تمەن بۆ هەر سەد دۆلارێک کەمبووەتەوە.

• لێدوانێکى دۆناڵد ترەمپیش کاریگەرى لەسەر بەرزبوونەوەکە هەیە، کە سیاسەتەکانى بەرامبەر ئێران بە یەکێک لە هۆکارەکانى شکستى پارتەکەى ناوبردووە.

دانا مەولود، مامەڵەکارى دراو لە بازاڕى دراوى سلێمانى بۆ کەناڵ8:

• دواى ئەنجامى هەڵبژاردنەکەى ئەمریکا تمەنى ئێرانى لەبازاڕدا بەهێز بووەتەوە.

• بەهاى 100 دۆلار بە حەواڵە 26 ملیۆن و 500 هەزار تمەنە.

• بەکاش 25 ملیۆن و 500 هەزار تمەنە.

• یەک ملیۆن تمەنى ئێرانى بەرامبەر شەش هەزارو 600 دینارە.

ئەمە لەکاتێکدایە، هێشتا ئاڵۆزییەکانى ئەمریکا بەرامبەر ئێران بەردەوامەو کەشتییە نەوتى و بازرگانییەکان بەشێوەیەکى سنووردار بە گەرووى هوورمزدا تێدەپەڕن.