حکومەتى عێراق سێ بڕیارى بۆ ڕێگرى لە بەرزبوونەوەى نرخ دەرکردووە
پووختەى هەواڵەکە
حکومەتى عێراق لەگەڵ دابەزاندنى بەهاى دینار کۆمەڵێک بڕیارى دەرکرد.
بڕیارەکان کاریگەریی لەسەر بەرزبوونەوەى نرخ نەبووە.
نرخى کەرەستە و پێداویستى و شمەک تاوەکو دێت زیاتر بەرزدەبێتەوە.
حکومەتى فیدراڵ سێ بڕیارى دەرکردووە، یەکەم بڕیار هەڵگرتنى باج بوو لەسەر هاوردەکردنى مریشک، هێلکە و ئاژەڵى زیندوو ئەمەش بۆ ئەوەبوو نرخەکەیان لە بازاڕ بەرز نەبێتەوە و هاوڵاتى بتوانێت بە ئاسانى دەستى بەو بەرهەمانە بگات.
بڕیارەکانى حکومەتى عێراق
ڕێگەدان بە هاوردەکردنى، تەماتەـ پەتاتە، پیاز لە دەرەوەى وڵات.
بۆ ئەوەبوو ڕێگرى لە بەرزبوونەوەى نرخ بکرێت.
هەڵگرتنى باج لەسەر خواردەمەنى و دەرمان.
بە مەبەستى ڕێگرى لە بەرزبوونەوەى زیاترى نرخەکان.
بە وردبوونەوەیەکى سادە دەردەکەوێت حکومەت دەیەوێت لە ڕێگەى ئەم بڕیارانەوە کاریگەرى دابەزاندنى بەهاى دینار لەسەر چینە هەژارەکە و فەرمانبەران و دەرامەت سنووردارەکان کەم بکاتەوە، گۆشت، هێلکە و سەوزە و خواردەمەنییە وشکەکان کە پێداویستى ڕۆژانەن و دەرمانیش کە پێویستیی بەشێکى زۆر لە هاوڵاتیانە کەم بکاتەوە، بەڵام نرخەکان تاوەکو دێت بەرزتر دەبنەوە و نرخى دیناریش لە بازاڕەکان بەردەوامە لە دابەزین ئەمەش هۆکارى سەرەکییە بۆ بەرزبوونەوەى نرخەکان.
زانیاریی زیاتر بۆ تۆ:
نوورى مالیکى: نابێت گۆڕانکاری لە بەهای دینار بارگرانى بۆ خەڵک دروست بکات
