پۆلیسی بەریتانیا رۆژی یەکشەممە رایگەیاند، "بەتۆمەتی هەوڵدان بۆ کارێکی تیرۆریستی، پێنج کەسی دەستگیرکردووە، کە چواریان ئێرانین".

پۆلیسی شاری لەندەن لە بەیاننامەیەکیدا دەڵێت، ئەو گومانلێکراوانە لە ناوچەکانی لەندەن و سویندۆن و مانچێستەر دەستگیر کراون و نیازیان وابووە، پلان بۆ بەئامنجگرتنی شوێنێکی دیاریکراو دابڕێژن.

دومینیک مورفی، بەڕێوەبەری پۆلیسی نەهێشتنی تیرۆر لە لەندەنی پایتەختی بەریتانیا دەڵێت، گومانلێکراوەکان چواریان ئێرانین و هێشتا ناسنامەی پێنجەمیان نەناسراوەتەوە و تەمەنیشیان لەنێوان 29 – 46 ساڵیدایە.

گوتیشی، "لێکۆڵینەوەکان هێشتا لە قۆناغەکانی سەرەتایدایە و سەرقاڵی ئەوەین بزانین هیچ پیلانێکی دیکەی هاوشێوە هەیە یاخود نا".