• پەیوەندیکردنی یامال و ئۆیارزابال بە کەمپی هەڵبژاردەی ئیسپانیاوە دوادەکەوێت.

• یامال بەهۆی ئازاری ئەژنۆی ڕاستییەوە لە بەرشلۆنە ماوەتەوە.

• ئۆیارزابال تووشی ئەنفلۆنزا بووە و بۆ وەرگرتنی چارەسەر ماوەتەوە.

• بەشداریکردنیان بەرامبەر چیک لە 12ی ئەم مانگە قورسە، بەڵام ئامانجەکە یارییەکەی ئینگلتەرایە.

هەڵبژاردەی ئیسپانیا پێش دەستپێکردنی کەمپی نێودەوڵەتی گورزێکی بەرکەوت، ئەویش بەهۆی دواکەوتنی هەردوو یاریزان لامین یامال و میکێل ئۆیارزابال بۆ ئامادەکارییەکانی یارییەکانی داهاتووی نەیشنزلیگ.

یەکێتیی تۆپی پێی ئیسپانیا ڕایگەیاند، یامال لە بەرشلۆنە دەمێنێتەوە بۆ چاکبوونەوەی لەو ئازارەی دوای یارییەکەی ئەتڵەتیکۆ مەدرید لە ئەژنۆی ڕاستیدا بۆی دروستبووە. لە بەرامبەردا، ئۆیارزابال بەهۆی تووشبوونی بە ئەنفلۆنزاوە کەمپەکەی جێهێشتووە و لە سان سێباستیان چارەسەر وەردەگرێت.

بەگوێرەی ڕۆژنامەی "ئەی ئێس"ـی ئیسپانی، بەشداریکردنی ئەو دوو یاریزانە لە 12ی ئەم مانگە بەرامبەر کۆماری چیک زۆر دوورە. بەڵام دەستەی ڕاهێنەران هیوادارن بۆ یارییەکەی ئینگلتەرا لە 15ی ئەم مانگە ئامادەبن. هاوکات تیمی پزیشکی ئیسپانیا بەردەوام لەگەڵ پزیشکانی بەرشلۆنە و ڕیاڵ سۆسیداد لە پەیوەندیدان بۆ چاودێریکردنی بارودۆخی ڕۆژانەیان.