پووختەى هەواڵەکە

• جێگرێکی ئەردۆغان لەسەر دۆسییەى سندوقی وەبەرهێنان دەستی لە پۆستەکەی کێشایەوە.

• بە بڕیاری دادوەر بەندکرا.

  ---

فاتمە بەتول سایان کایا، جێگری سەرۆکی گشتیی ئاکپارتی بوو، بەڵام کۆتایی مانگی ئەیلولی ئەمساڵ، لەسەر تێوەگلان لە قەیرانی سندوقەکانی وەبەرهێنان، ناچار کرا دەست لەکاربکێشێتەوە.

دادگایی فاتمە کایا

• ئێوارەی ڕۆژی پێنجشەممە فاتمە کایا و هاوسەرەکەی چوونە بەردەم دادوەر و گوتەیان لێوەرگیرا.

• پاش چەند کاتژمێرێک لە گوتە لێوەرگرتن.

• دادوەر بریاری بەندکردنی بۆ فاتمە کایا دەرکرد و ڕەوانەی زیندان کرا.

• تاوەکو کۆتاییهاتنی دادگاییکردن و یەکلاکردنەوەی دۆسیەکە، کایا لە زینداندا دەمێنێتەوە.

• هەر بە بڕیاری دادوەر، هاوسەرەکەی کایا بە مەرجی مانەوە لە تورکیا، ئازادکرا.

فاتە کایا تۆمەتبارە بەوەی لە ماوەیەکی زۆر کورتدا و لە ڕێگەی بازاڕە داراییەکان و سندوقەکانی وەبەرهێنانەوە، سەرمایەکەی لە 163 ملیۆن لیرەوە بۆ دوو ملیار و 170 ملیۆن لیرە بەرزکردووەتەوە.

لە قەیرانی سندقەکانی وەبەرهێنان لە تورکیا، نزیکەی نیو ملیۆن وەبەرهێنەری بچوک و مامناوەند زیانیان کردووە و ژمارەیەکی کەمیش کە بەشێکیان بەرپرسی دیاری ئاکپارتین، قازانجی گەورەیان تێدا کردووە.