لە تورکیا تەقەکەرێک هەشت کەسی کوشت و هەڵهات
پووختەى هەواڵەکە
ڕووداوەکانى تەقەکردنەکە لە پارێزگای ئافیۆنکاراحیساری تورکیا ڕوویداوە.
جگە لە هەشت کوژراو کەسێکی دیکەش بە سەختی بریندار بووە.
تاوەکو ئێستا هێرشکارەکە دەستگیرنەکراوە.
لە سنووری شارۆچکەی ئیحسانییەی سەربە پارێزگای ئافیۆنکاراحیسار لە تورکیا، کەسێک لەسەر ڕێگەیەک وەستاوە و تەقەی لەو کەسانە کردووە بەو ڕێگەیەدا تێپەڕیون.
تەقەکردن لە گوندنشینانى ناوچەکە
سەرەتا کەسە لە نزیک گوندێکی سەربە شارۆچکەکە، تەقەی لە سێ ژن کردووە و هەموویانی کوشتووە.
ئۆتۆمبێلێکى ڕەنگ سوورى پێبووە و هەڵهاتووە.
هێرشکارەکە گەیشتووەتە گوندێکی دیکە و سێ کەسی دیکەی کوشتووە، کە لەنێو ئۆتۆمبێلێکدا بوون.
هێرشکارەکە لەو ناوچەیەش هەڵهاتووە.
پاشان ڕووی کردووەتەوە گوندێکی دیکە و دوو کەسی گوندەکەی کوشتووە.
پاش ئەو هێرشەش تەقەکەرەکە هەڵهاتووە و تاوەکو ئێستا دەستگیرنەکراوە.
لە ناوەڕاستی شاری ئافیۆنکاراحیساریش ژنێک بە برینی قورس و دۆخێکی ناجێگیرەوە لەنێو ئۆتۆمبێلێکدا دۆزراوەتەوە و گومان دەکرێت لەلایەن ئەو هێرشکارەکەوە تەقەی لێکرابێت.
بە گوێرەی وەزارەتی پەروەردەی تورکیا، دوو لە کوژراوەکان مامۆستان.
