پووختەى هەواڵ

• کاردانەوەکانى هەڵبژاردنى دەستەى سەرۆکایەتیى پەرلەمان بەبێ سازان بەردەوامن.

• ئەمریکا داوای یەکڕیزیی بەردەوام لە هەرێمی کوردستان و شۆڕکردنەوەی دەسەڵات بۆ حکومەتە خۆجێیەکان دەکات.

• تۆم باراک نوێترین پەیامى واشنتنى لەگەڵ دوو بەرپرسى هەرێمى کوردستان تاوتوێ کرد.

تۆم باراک نێردەی سەرۆکی ئەمریکا بۆ عێراق لەگەڵ دەرباز کۆسرەت ڕەسوڵ، ئەندامی مەکتەبی سیاسیی یەکێتیی نیشتمانیی کوردستان و ئەحمەد موفتی، گفتوگۆیان لەسەر داهاتووی سیاسی و کارگێڕیی هەرێمی کوردستان کرد.

تۆم باراک لەبارەى کۆبوونەوەکەوە:

• ئەمریکا پشتگیری لە هەرێمێکی کوردستانی بەهێز و یەکگرتوو دەکات، بەشێوەیەک کە ڕەنگدانەوەی فرەیی و جیاوازییەکانی ناوچەکە بێت.

• بەدیهێنانی یەکڕیزییەکی بەردەوام و ڕاستەقینە لە هەرێمی کوردستاندا، تەنیا لە ڕێگەی دابەشکردنی دەسەڵاتەکان، پێدانی دەسەڵاتی زیاتر بە حکومەتە خۆجێیەکان، بەهێزکردنی دامەزراوە فەرمییەکان و چەسپاندنی شەفافیێتێکی زیاترەوە مسۆگەر دەبێت.

پێشتریش وەزارەتى دەرەوەى ئەمریکا لە لێدوانێکدا بۆ کەناڵ8 داواى بەهێزترکردنی دامودەزگاکانى هەرێمى کوردستان و بەهێزکردنى پەیوەندیى نێوان لایەنەکانى کرد.

زانیاریى زیاتر بۆ تۆ:

ئەمریکا پشتیوانیی خۆی بۆ هەرێمی کوردستان دووپات دەکاتەوە