پووختەی هەواڵەکە

• حکومەتی نەرویج ڕایگەیاند، هەر یەک لە ستیڤ ویتکۆف و جارید کوشنەر، نێردەکانی ئەمریکا لە ئۆسڵۆی پایتەخت و لەگەڵ ڤۆڵۆدیمیر زێلینسکی کۆدەبنەوە .

• بڕیارە سەرۆکی ئۆکرانیا و سەرکردەکانی نەرویج و فینلەندا کۆببنەوە.

• ئەکسیۆس: ویتکۆف لە دوای ئۆسلۆ سەردانى ڕووسیا دەکات

جۆناس گار، سەرۆکوەزیرانی نەرویج لە ڕاگەیێنراوێکدا ئاشكرایکرد، ئۆکرانیا داوای کردووە هەر یەک لە ستیڤ ویتکۆف و جارید کوشنەر بەشداری ئەم کۆبوونەوەیە بکەن و ئێستا زۆر دڵخۆشن کە بەدەم داواکارییەکەوە هاتوون.

بەگوێرەی بەرپرسانی نەرویج:

• ویتکۆف دەچێتە ئۆسلۆ و بەشێوەیەکی فیزیکی بەشداری کۆبوونەوەکە دەکات.

• بەڵام کوشنەر بە ئۆنڵاین بەشداری ئەو کۆبوونەوەیە دەبێت.

• هەر لەو کۆبوونەوەیە سەرۆکوەزیرانی نەرویج و سەرۆکی فینلەنداش بەشداری دەکەن.

• بەگوێرەی سەرۆکوەزیرانی نەرویج بێت، هەوڵ و کۆبوونەوە دیپلۆماسییەکان پێشتر لە چەند وڵاتێک بەرێوەچووە.

• ئێستاش نەرویج و فینلەندا دڵخۆشن دەتوانن بەردەوامی بەم هەوڵانە بدەن.

• ئامانجی هەردوو وڵاتیش ئەوەیە هەوڵە دیپلۆماسییەکان بخەنە سەر ڕێڕەوێکی بنیاتنەر.
  

لەماوەی سەردانەکەی بۆ ئۆسلۆ، بڕیارە زێلینسکی لەگەڵ شای نەرویجیش کۆببێتەوە و سەردانی پەرلەمانیش بکات.
کۆمەڵێک سەرچاوەی دیکە وەک ئەکسیۆس باسیان لەوە کردووە کە لە دوای ئەم سەردانە ویتکۆف دەڕواتە ڕووسیا و لەوێ ڕەنگە لەگەڵ ڤڵادیمیر پوتن، سەرۆکی ڕووسیا کۆببێتەوە.

زانیاریی زیاتر بۆ تۆ

پێدەچێت ڕووسیا و ناتۆ لە "کالینینگراد" بدەن بە یەکدا و دۆخەکە بتەقێتەوە