پووختەى هەواڵەکە

• ئاسایشى هەولێر دەستگیرکردنى شۆفێرى پاسێکى گواستنەوەى خوێندکارانى ڕاگەیاند.

• ئاسایشی هەولێر: ئەو شۆفێرە کاری نەشیاوی بەرامبەر خوێندکارێک ئەنجامداوە.

• شۆفێرەکە چەند جوڵەیەکى ناجۆرى لەگەڵ خوێندکارێکى کچدا کردووە.

  ---

بەڕێوەبەرایەتیی ئاسایشی هەولێر لە ڕاگەیێنراوێکدا دەڵێت، دوای ئەوەی لە تۆڕە کۆمەڵایەتییەکان تۆمارێکى ڤیدیۆیی بڵاوبوەتەوە، دەردەکەوێت شۆفێری ئۆتۆمبێلێکی گواستنەوەی خوێندکاران بە شێوەیەکی نەشیاو مامەڵە لەگەڵ خوێندکارێکی کچدا دەکات و چەند جووڵەیەکی نەشیاو ئەنجام دەدات، هێزەکانیان دەستیان بە بەدواداچوون کردووە.

ڕاگەیێنراوى ئاسایشى هەولێر:

• ئەو شۆفێرە بە بڕیاری دادوەریی لێکۆڵینەوەی ئاسایشی هەولێر، دەستگیرکراوە.

• ئاسایشی هەولێر: لێکۆڵینەوە لەگەڵ ئەو تۆمەتبارە بەردەوامە.

• ئاسایشى هەولێر داوا لەو خێزانانە دەکات سکاڵایان لێی هەیە سەردانیان بکەن بە مەبەستی گرتنەبەری ڕێکاری یاسایی.

ئەوە لە کاتێکدایە، لە مانگى ئەیلوولى ڕابردوو، وەزارەتى گواستنەوە و گەیاندنى هەرێمى کوردستان، بڕیاریدا سیستمی جی پی ئێس (GPS) و کامێرای چاودێری لە ناو پاسەکانی گواستنەوەی خوێندکاران لە هەرێمی کوردستان جێگیربکرێت، ئەم پڕۆژەیە سەرەتا لە پارێزگای سلێمانی وەک قۆناغی یەکەم دەستی پێکرد.