پڕۆژەی ڕێگەی کونەماسی/قەڵادزێ؛ پڕۆژەیەک 160 کیلۆمەتر دەکاتە 90 کیلۆمەتر

پڕۆژەی ڕێگەی کونەماسی/قەڵادزێ؛ پڕۆژەیەک 160 کیلۆمەتر دەکاتە 90 کیلۆمەتر

00:00/00:00

پووختەى ڕاپۆرت

  • پڕۆژەکە بە گوژمەى زیاتر لە 15 ملیار دینار جێبەجێ دەکرێت.

  • تاوەکو ئێستا بە بەهاى هەشت ملیار دینار کارى بۆ ئەنجامدراوە.

  • دوایین وادە بۆ تەواوبوونى سێ مانگى دیکەیە.


سێ مانگی دیکە، ڕێگەی کونەماسی - قەڵادزێ، ئەو خەونە دەهێنێتەدی کە هاونیشتمانیانی سلێمانی بۆ بەستنەوەیان بە ئیدارەی ڕاپەڕینەوە هەیانبوو. زیاتر لە ساڵێکە ئامێرەکان بە درێژیی 22 کیلۆمەتر لە کونەماسییەوە بەرەو قەڵادزێ، سەرقاڵی بڕین و ڕێکخستنەوەی ئەو پێچ و بەرزاییانەن کە هاتوچۆیان بۆ هاونیشتمانییان ئەستەم کردبوو.


جێبەجێکردنى پڕۆژەکە و تێپەڕاندنى ئاستەنگەکانى بەردەمى

  • سەرەڕای گرفتی پارەی نەختینە بۆ کۆمپانیای جیبەجێکار.

  • تاوەکو ئێستا بە بەهای هەشت ملیار و 600 ملیۆن دینار کاریان ئەنجامداوە.

  • لە کاتێکدا تەنیا 820 ملیۆن دیناریان پێدراوە.

  • بۆ بەردەوامبوونی کارەکانیان مانگانە پێویستیان بە نزیکەی یەک ملیار دینار هەیە.

  • لە پڕۆژەکەدا نزیکەی 50 قەنتەرە و ئاوبارە هەن کە زیاتر لە 10 یان تەواو بوون.

  • هاوکات کارەکانی بڕین بە ڕێژەی لە 80% و کۆی گشتیی پڕۆژەکەش بە ڕێژەی لە 54% تەواو بووە.

  • بڕیارە سەرەتای مانگی داهاتوو کارگەیەکی شکاندنی بەرد بگاتە شوێنی کارەکە.

  • لە ماوەی سێ مانگی داهاتوودا دەست بە قیرتاوکردنی ڕێگاکە بکرێت.

  • بە تەواوبوونی ئەم پڕۆژەیە، ماوەی ڕێگاکە لە 160 کیلۆمەترەوە بۆ تەنیا 90 کیلۆمەتر کەمدەبێتەوە.

پڕۆژەی ڕێگەی کونەماسی – قەڵادزێ لەسەر فەرمانی قوباد تاڵەبانی، جێگری سەرۆکی ئەنجوومەنی وەزیران دەستی پێکردەوە، کە گوژمەی تەرخانکراو بۆ پرۆژەکە 15 ملیار و 846 ملیۆن و 160 هەزار دینارە و ماوەی جێبەجێکردنیشی 500 ڕۆژە.

ڕێگاکە زیاتر لە 10 گوند پێکەوە دەبەستێتەوە و بە تەواو کردنی لە رۆی بازرگانیشەوە گرنگێکی زۆری هەیە بەوپێیەی ڕێگای سێ دەروازەی لەسەرە کە ئەوانیش دەروازەکانی کێلێ و قەندۆڵ و گەناون.

کەناڵ8

Tue Nov 17 2026

Loading related news...