پووختەى هەواڵەکە

• ئۆجەلان: پێویستە ئەو ناوچانەی خاکی کوردن بخرێنەوە سەر هەرێمی کوردستان.

• بە پێویستی دەزانێت شنگال و کەرکووک و خانەقین بخرێنە سەر هەرێمی کوردستان.

• نامەی بۆ پارتی و یەکێتییش ناردووە و داوای لێکردوون یەکێتیی نەتەوەیی کورد بەهێزبکرێت.

• هێزی پێشمەرگەش لەژێر کۆنتڕۆڵی حیزب دەربهێنرێت.

  ---

ئۆجەلان لە میانی وتارێکدا کە لە گۆڤاری ئۆزگور هاڵک، لە ژێر ناونیشانی "کۆماری دیموکراتی و تێکەڵبوونی دیموکراتی" بڵاویکردووەتەوە، ئاماژەی بەوەکردووە، بە لەبەرچاوگرتنی پێکهاتەی سیاسی و کولتووریی عێراق، فیدراڵیی ڕێگەیەکی گونجاوە بۆ چارەسەرکردنی کێشەی کورد لە وڵاتەکە و ڕێگەی لە بەردەم تێکەڵبوونی کورد بە دەوڵەتی عێراق کردووەتەوە.

ناوەڕۆکى وتارەکەى ئۆجەلان

• بە پێویستی زانیوە، پشتگیری لە تێکەڵبوونی کورد لە ڕێگەی مۆدێلی فیدراڵییەوە بە عێراق بکرێت.

• ڕەوشی ناوچە کوردستانییەکانى دەرەوەى ئیدارەى هەرێمى کوردستان تاوەکو ئێستا چارەسەر نەکراون.

• وەک ناوچەی جێناکۆک پێناسە دەکرێن.

• بە لە بەرچاوگرتنی ئەوەی ئەو ناوچانە هەر لە شنگالەوە تاوەکو مووسڵ و لە کەرکووکەوە تاوەکو خانەقین جوگرافیای کوردن.

• دەبێت بخرێنە سەر هەرێمی کوردستان و بەو شێوەیەش تێکەڵبوون لەگەڵ دەوڵەتی عێراقدا دەگاتە پایان.

• لە بارەی پرسی کورد لە ئێران: ئێران هیچ کاتێک نکوڵی لە ناسنامە و بوونی کورد نەکردووە.

• قبووڵکردنی بوونی کورد لە لایەن ئێرانەوە ئەرێنییە.

• بەڵام بە مانای ئەوە نایەت، مافە سیاسی و ئابوورییەکانی گەلی کوردیشی قبووڵکردووە.

• ئێستا ئێران لە ڕەوشێکی نادیاردایە لە ڕووی سیاسی و ئابوورییەوە.

• ئێرانێکی فیدراڵ لە سەر بنەمای تێکەڵبوونی دیموکراتی، دەکرێت ببێتە چارەسەر.

• گەیشتنی کورد بە پێکهاتەیەک کە تیایدا بتوانن لە ناو جوگرافیای خۆیاندا لە ڕووی ئابووری و سیاسییەوە ئیدارەی خۆیان بکەن.

• تێکەڵبوونیان لەسەر ئەم بنەمایە، بووەتە پێویستییەک کە چیتر ناکرێت دوا بخرێت.

هاوکات کەسکین بایندر، هاوسەرۆکی گشتیی پارتی هەرێمە دیموکراتییەکان و عومەر ئۆجەلان پەرلەمانتاری پارتی دەم، لە میانی بەشدارییکردن لە کۆبوونەوە جەماوەرییەکاندا لە نەمسا جگە لە پڕۆسەی چارەسەریی، ئاماژەیان بە پێشهاتەکانی هەرێمی کوردستان کرد و ناوەڕۆکی نامەیەکی ئۆجەلانیان بۆ پارتی دیموکراتی کوردستان و یەکێتیی نیشتمانیی کوردستان ئاشکراکرد.

بایندر ئاماژەی بەوەکرد، ئۆجەلان لە نامەکاندا بە پێویستی زانیوە، یەکێتیی نەتەوەیی کورد بەهێز بکرێت و هێزەکانی پێشمەرگە لە کۆنتڕۆڵی پارتەکان دەربهێنرێن و لە چوارچێوەی پێکهاتەیەکی بەرگریی هاوبەشدا ڕێکبخرێن.

زانیاریی زیاتر بۆ تۆ:

هەنگاوەکانى کشانەوە دەستیانپێکردووە؛ پۆستەکانى یەکێتی لە حکومەت

عەبدولستار مەجید: ئەم ئاڕاستەیەى پەرلەمان درزەکان زۆر قووڵتر دەکات

کەناڵ8 ناوەڕۆکى کۆبوونەوەى تیمى دەستلەکارکێشاوەى یەکێتى لە حکومەت ئاشکرا دەکات