پاککردنەوەى گەڕەک و ماڵان لەلایەن تیمەکان و هاونیشتمانییانەوە دەستپێکردووە.
لە هەندێک گەڕەک تیمە حکومییەکان نەگەیشتوون و هاونیشتمانییان خۆیان ئەو کارە دەکەن.
لافاوەکە زیانى بە سەدان ماڵ گەیاندووە و ماڵ هەیە هیچى بۆ دەرنەچووە.
لە ژمارەیەک گەڕەکى نزیک لە شەقامی 120 مەتری، لافاو چووەتە ماڵانەوە پەیامنێرى کەناڵ8 قسەى لەگەڵ ژمارەیەک هاونیشتمانی کرد کە زیانى زۆریان بەرکەوتووە و خەریکى پاککردنەوەى ماڵەکانیان بوون، یەکێکیان گوتى داواى هاوکارى کردووە گوتوویانە سێ ڕۆژى دیکە.
ڕێڕەوى ئاوەکە لە کۆڕنیشەکەوە بۆ بەردەم ماڵەکانمان گۆڕدراوە.
کەس نەهاتووە بە دەممانەوە و داواى هاوکاریم لە شارەوانى کرد گوتیان دواى دێینەوە.
هاونیشتمانییەک: قاتى یەکەمى هەموو ماڵەکان لەناوچوون.
ڕۆژى 7ـى تشرینى دووەم، لافاو شارى هەولێرى گرتەوە و بەهۆیەوە دوو هاونیشتمانیى گیانیان لەدەستدا، سەدان ماڵ و ئۆتۆمبێل، دوکان و بازاڕ و شوێنى گشتیى زیانیان بەرکەوت.
هەڤاڵ ئەبوبەکر: تاوەکو ئێستا لە هەولێرەوە داواى هاوکاریمان لێنەکراوە
پردى سەیداوە بووە بە ڕەمزى لافاو؛ کۆڕنیشەکە کاسبکارانى ماڵوێران کرد
