پووختەى هەواڵەکە

• جەنگى ئێران کاریگەرى گەورە لەسەر ئابوورى واشنتن دروستدەکات.

• تێچووی جەنگی ئەمریکا لەگەڵ ئێران گەیشتووەتە 47 ملیار دۆلار.

• تێچووی جەنگی ئێران لە چەند هەفتەی ڕابردوو سێ ملیار دۆلار زیادی کردووە.

  ---

واشنتن پۆست لە ڕاپۆرتێکیدا بە ناونیشانی، پەیوەندییکردنی ڤانس بە تاران لە کاتێکدا ڕۆژهەڵاتی ناوەڕاست خۆی بۆ جەنگ ئامادە دەکات، کۆمەڵێک زانیاری نوێی بڵاوکردووەتەوە لەسەر تێچووی جەنگی ئێران و هەروەها باس لە پەیوەندیکردنی جێگری سەرۆکی ئەمریکا دەکات بە ئێرانییەکان بۆ پێشکەشکردنی هاریکاریی مرۆیی.

خەمڵاندنى ڕۆژنامە ئەمریکییەکە بۆ جەنگى ئێران

• لەو 47 ملیار دۆلارە، 29 ملیار دۆلار بۆ تەقەمەنی لەلایەن هێزەکانی ئەمریکا لە سەرەتای جەنگەکە بەکارهاتووە.

• تێچووی لە ناوبردنی سەکۆی مووشەکی ئێران، شەش ملیار دۆلاری ئەمریکی بووە.

• ئەم ژمارانە ئەو زیانانە لە خۆ ناگرێت کە بەر بنکەکانی ئەمریکا کەوتووە لە ناوچەکەدا.

• ئامارەکان لە لایەن هێزەکانی ناوەندی فەرماندەیی ئەمریکا کۆکراوەتەوە.

• ئەم هێزانە سەرپەرشتی ئۆپراسیۆنەکانی ڕۆژهەڵاتی ناوەڕاست دەکەن.

هەڵکشانی خەرجی جەنگی ئێران لەسەر ئەمریکا لە کاتێکدایە، لە سەرەتای ئەیلوول تێچووی جەنگەکە 43 ملیار و 600 ملیۆن دۆلار بووە.

واشنتن پۆست نووسیویەتی، هێزە ئاسمانییەکانی ئەمریکا حەوت ملیار و 600 ملیۆن دۆلاری ئەمریکی لە ئۆپراسیۆنە سەربازییەکانی خەرجکردووە، بەجۆرێک سوپا دوو ملیار دۆلار و هێزە دەریایەکان یەک ملیار و 450 ملیۆن دۆلاریان خەرجکردووە.