باران و لافاو کارەساتی غەززەی قووڵتر کردەوە؛ 150 هەزار خێمە لەسەر سنوور چاوەڕێن

دیمەنێک لە پاشماوەی جەنگ لە غەززە
دیمەنێک لە پاشماوەی جەنگ لە غەززە

پووختەی هەواڵەکە

  • ژمارەیەک وڵات داوای گەیاندنی هاریکاری بە غەززە دەکەن .

  • ژمارەیەک وڵاتی ڕۆژئاوا دۆخی غەززە بە کارەساتبار وەسف دەکەن .

  • بەڕیتانیا داوا لە ئیسرائیل دەکات ڕێگەبدات هاریکارییەکان بگاتە غەززە.


لە جاڕنامەیەکی هاوبەشی وەزیرانی دەرەوەی وڵاتانی بەڕیتانیا، ئوسترالیا، کەنەدا و ئیتاڵیا هاتووە، ناکرێت لەوە زیاتر هاریکارییەکان دوا بکەوێت و دەبێت هەر ئێستا ڕێگەبدرێت بە هاریکارییە مرۆییەکان بەشێوەیەکی خێرا و بەبێ بەربەست بگاتە هەموو غەززە.


دۆخی غەززەی کارەساتبارە

  • پێدوایستییە گرنگەکان و 150 هەزار خێمە ئێستا لەسەر سنوورەکان چاوەڕێی وەرگرتنی ڕەزامەندین بەر لە هاتنی وەرزی زستان ببرێتە غەززە.

  • شەپۆلێکی باران ڕووی لە غەززە کردووە و بەهۆیەوە لافاو لە چەند شوێنێک درووستبووە، ئەمەش وای کرد دۆخی مرۆیی ئەو کەرتە کە لە بنەڕەتدا خراپ بوو زۆر خراپتریش ببێت.

  • ئەم وڵاتانە لە ڕاگەیێنراوەکەیاندا باس لەوە دەکەن، دەکرێت دۆخەکە بگۆڕن، کاتیش ماوە بەر لە هاتنی زستان ڕێکاری پێویست بگیرێتەبەر.

  • نوسینگەی نەتەوەیەکگرتووەکان بۆ کارووباری مرۆیی دەڵێت، بەهۆی بارانی بەخووڕ باڵەخانەکان ڕووخاون، زیان بە پەناگەکان گەشتووە و خزمەتگوزارییە سەرەکییەکانیش پەکییان کەوتووە.

کەرتی غەززە بەهۆی بەردەوامیی ململانێ و ئۆپەراسیۆنە سەربازییەکانەوە، ڕووبەڕووی یەکێک لە قورسترین قەیرانە مرۆییەکانی سەردەم بووەتەوە. وێرانبوونی بەشێکی زۆری ژێرخانی شارستانی، لەوانەش نەخۆشخانەکان، قوتابخانەکان و تۆڕەکانی ئاو و کارەبا، ژیانی ڕۆژانەی زیاتر لە دوو ملیۆن دانیشتووی ئەو ناوچەیەی پەکخستووە و زۆرینەی ڕەهای خەڵکەکەی ناچار بە ئاوارەبوون کردووە.

هاوکات، سنوورداربوونی گەیشتنی هاوکارییە مرۆییەکان و داخستنی دەروازە سنوورییەکان، بووەتە هۆی کەمیی توندی خۆراک، ئاوی خواردنەوە، سووتەمەنی و دەرمان. ڕێکخراوە نێودەوڵەتییەکان و نەتەوە یەکگرتووەکان بەردەوام هۆشداری لە بڵاوبوونەوەی برسێتیی توند و پەتاکان دەدەن، لە کاتێکدا کەرتی تەندروستی بەهۆی نەبوونی پێداویستییە پزیشکییەکانەوە لە لێواری داڕمانی تەواوەتیدایە.

زانیاریی زیاتر بۆ تۆ

یەسنا ئومێد

Mon Nov 16 2026

Loading related news...