لە زۆربەی ناوچەکان پەڵەی داوە

کەناڵ8
دوو جووتیار لە دەشتى شارەزوور لە کاتى تۆوە وەشاندن فۆتۆ؛ حەمە سوور
دوو جووتیار لە دەشتى شارەزوور لە کاتى تۆوە وەشاندن فۆتۆ؛ حەمە سوور

پووختەى هەواڵ

  • جووتیاران دەتوانن جووت بکەن و تۆوەکانیان بوەشێنن.

  • شەپۆلى بارانبارینەکەى سەرەتای ئەم هەفتەیە زۆربەى ناوچەکانى پاراو کرد.

  • زیاتر لە 100 ملیمەتر باران باریوە و ئەوەش بەسە بۆ پەڵە.


ئاسۆ کەمال بەڕێوەبەری کەشناسیی سلێمانی بە کەناڵ8ـی ڕاگەیاند، بڕێکی زۆر باران باریوە و لە زۆرینەی ناوچەکانی وەک هەڵەبجە، ڕاپەڕین و تەنانەت سلێمانیش پەڵەی داوە.


بەڕێوەبەری کەشناسیی سلێمانی:

  • بەهۆی ئەوەی هەندێک ناوچەى وەک گەرمیان کە سروشتی زەوییەکەی سەختە درەنگتر پەڵە دەدات و پێویستی بە بڕێکی زیاتر لە بارانە.

  • ئەمساڵ تاوەکو ئێستا لە پارێزگای سلێمانی زیاتر لە 100 ملیمەتر باران باریوە.

  • لەکاتێکدا ساڵی ڕابردوو لەمکاتەدا بڕی بارانبارین سفر بووە و هیچ بارانێک نەباریبوو.

  • بە هەندێک پاڵنەر و هۆکاری دیکە دەتوانین بڵێین زستانی ئەمساڵ پڕ باران دەبێت.

  • ئەمساڵ بەهۆی بەهێزی دیاردەی ئالنینۆ، بەرزونزمی شەپۆلەکانی جەمسەری باکور، ئەتڵەسی و زەریای هیندی، سەرجەمیان هۆکاری ئەرێنین و ئاماژەن بۆئەوەی ساڵێکی پڕ بارانمان دەبێت.

پەڵە، لە ڕووی زانستی کشتوکاڵی و ئەزموونى جووتیارانەوە ئەو بڕی باران بارینە دەگرێتەوە کە زەوى دەخوسێنێت و گاسن خۆڵى وشک ناهێنێتە دەرەوە، لەم کاتەدا زەوییە کشتوکاڵییەکان ئامادە دەبن بۆ کێڵان و داچاندن.

زانیاریى زیاتر بۆ تۆ:

کەشناسی بڕی بارانبارینی 24ی کاتژمێری ڕابردووی بڵاوکردەوە

بەرپرسیارێتیی لافاوەکە لە ئەستۆی کێیە؟ هۆشدارییەکانی کەناڵ8 و کەمتەرخەمی بەرپرسان

لە لافاوەکەى هەولێر زیاتر لە هەزار ئۆتۆمبێل زیانیان بەرکەوتووە

کەناڵ8

Tue Nov 10 2026

Loading related news...