دابەزینى بەهاى دینار جوڵەى کڕین و فرۆشتنى ئۆتۆمبێلى کەمکردووەتەوە.
ئۆتۆمبێلێک نرخەکەى10 هەزار دۆلار بێت هاونیشتمانى دوو ملیۆن دینار زیاتر دەدات.
مامەڵەى پێشانگاکانى ئۆتۆمبێل لە هەرێمى کوردستان تەنیا بە دۆلارە و هۆکارەکەى بۆ ئەوە دەگەڕێننەوە هاوردەکردنى ئۆتۆمبێلەکان بە دۆلارەو دینار لە کڕیاران وەرناگرن.
ئۆتۆمبێلى کیلۆمەتر سفر لە پێشانگاو کۆمپانیاکانى فرۆشتنى ئۆتۆمبێل دەخرێتەڕوو.
پێشتر بانکى ناوەندیی بە 132 هەزار دینار دۆلاری دەدایە بازرگانانى ئۆتۆمبێل.
لە حەوتى ئەم مانگەوە بە 152 هەزار دینار دۆلاریان پێ دەدەرێت.
نرخى ئۆتۆمبێلەکانى لەسەر هاونیشتمانییان زیاد کردووە.
خاوەن پێشانگایەکى ئۆتۆمبێل: ئۆتۆمبێلێک نرخەکەى 10 هەزار دۆلار بێت هاونیشتمانى دوو ملیۆن دینار زیاتر دەدات.
مووچە دینارە و پارەى لاى هاونیشتمانیان دینارە و دیناریش بەهاکەى دابەزیوە.
پێش دابەزاندنى بەهاى دینار ڕۆژانە سێ چوار گرێبەستى فرۆشتن و کڕینى ئۆتۆمبێل دەکرا.
ئێستا بە دوو رۆژ گرێبەستێک ناکرێت.
بە گوێرەى داتاکانى وەزارەتى بازرگانى و پیشەسازیى هەرێمى کوردستان لە ساڵى ڕابردوو 183 هەزار و 885 ئۆتۆمبێل لە ڕێگەی چوار دەروازە نێودەوڵەتییەکانى پەروێزخان، ئیبراهیم خەلیل، باشماخ و حاجی هۆمەران هاوردە کراون.
هەروەها ساڵی 2024 ژمارەى ئۆتۆمبێلى هاوردە 172 هەزار بووە، کە بەشێک لەو ئۆتۆمبێلانەى هاوردە دەکرێن دەگوازرێنەوە بۆ پارێزگاکانی ناوەڕاست و باشووری عێراق، بە گوتەى بەڕێوەبەرى گشتیی بازرگانى لە وەزارەتى بازرگانى هەرێمى کوردستان.
بازاڕی شێواوی پێشەنگاکانی ئۆتۆمبێل؛ لە فرۆشتنی بەشانوباڵدا هەڵدان تاوەکو فێڵی دەڵاڵەکان
10 ئۆتۆمبێلی چینی بەرامبەر2 ئۆتۆمبێلی ئەمریکی؛ جەنگی نرخەکان لە پێشانگاکانی هەرێمدا
گرانى نرخى شتومەک و پێداویستى؛ بوەتە مۆتەکەى گیرفانى هاونیشتمانییان
