ماوەی مانگێکە عێراق هیچ بڕە نەوتێکی بۆ ئەمریکا هەناردە نەکردووە
پووختەى هەواڵەکە
بۆ چوارەم هەفتەی لەسەر یەک هەناردەی نەوتی عێراق بۆ ئەمریکا سفرە.
ئەمریکا لە 10 وڵاتى جیهانەوە نەوت هاوردەى وڵاتەکەى دەکات.
بڕى هاوردەى نەوت بۆ ئەمریکا پێنج ملیۆن و 300 هەزار بەرمیلە.
ئەو زانیاریانەی لە لایەن ئیدارەی زانیاری وزەی ئەمریکاوە ئاشکراکراوە "تێکڕای هاوردەکردنی نەوتی خاوی ئەمریکا لە 10 وڵاتی سەرەکییەوە لە ماوەی هەفتەی ڕابردوودا گەیشتووەتە 5 ملیۆن و 300 هەزار بەرمیل لە ڕۆژێکدا، ئەمەش بە بەراورد بە هەفتەی پێشوو کە 5 ملیۆن و407 هەزار بەرمیل لە ڕۆژێکدا بووە، بەمجۆرەش 107 هەزار بەرمیل کەمیکردووە.
دابینکەرانى نەوتى ئەمریکا:
کەنەدا بە تێکڕا 3 ملیۆن و 902 هەزار بەرمیل لە ڕۆژێکدا لە پێشەنگی لیستی دابینکەراندایە.
ڤەنزوێلا بە 571 هەزار بەرمیل دووەم گەورە هەناردەکاری نەوتی ئەمریکایە.
بەڕازیل بە 183 هەزار بەرمیل لە ڕیزبەندی سێیەمدایە.
سعودیە بە 176 هەزار بەرمیل لە ڕۆژێکدا ڕیزبەندی چوارەمی گرتووە.
هیچ بڕە هاوردەکردنێکى نەوتی عێراق لە بازاڕی ئەمریکا تۆمارنەکراوە.
بە گوێرەی داتاکان، هاوردەکردنی نەوت هەفتەی ڕابردوو لە مەکسیکەوە گەیشتووەتە 154 هەزار بەرمیل لە ڕۆژێکدا و کۆڵۆمبیاش 122 هەزار بەرمیل و ئەرجەنتین بڕی 100 هەزار بەرمیلی ڕۆژانە بووە، پاشان گینیا 80 هەزار بەرمیل نەوت و لە کۆتایشدا نەیجیریا 12 هەزار بەرمیل نەوتی هەناردە کردووە.
ئەمریکا ڕۆژانە نزیکەى 20 ملیۆن بەرمیل نەوت بەکاردەهێنێت و بەمجۆرەش دەبێتە گەورەترین بەکارهێنەری نەوت لە جیهاندا.
زانیاریی زیاتر بۆ تۆ:
وزەی ئەمریکا: هەفتەی ڕابردوو هیچ بڕە نەوتێک لە عێراقەوە هاوردە نەکراوە
عێراق سێیەم گەورە هەناردەکاری نەوتی ئەمریکایە
هەناردەی نەوتی عێراق بۆ ئەمریکا بۆ 83 هەزار بەرمیل دابەزیوە
کارگێڕی زانیاریی وزەی ئەمریکا: عێراق چوارەم گەورە هەناردەکاری نەوتە بۆ ئەمریکا
