سەرەڕاى قەیران و گرفتە داراییەکان کارکردن لە پڕۆژەکانى سنوورى پارێزگاى سلێمانى بەردەوامە.
سەدان ئۆتۆمبێلی جۆراوجۆر لە قۆناغی دووەم و سێیەمی پڕۆژەی دووسایدی چوارقوڕنە — دووکان کار دەکەن.
بە تەواوکردنى ڕێگاکە ڕووداوەکانى هاتووچۆ کەمدەبنەوە و هاتووچۆى نێوان سلێمانى و ئیدارەى ڕاپەرین ئاسانتر دەبێت.
ڕێگاکە ئیدارەی راپەڕین بە پارێزگاکانی سلێمانی و هەولێر دەبەستێتەوە، لە ساڵانی ڕابردوو ترس و دڵەڕاوکێی دروست کردبوو، خەریکە دەبێتە شاڕێیەکی فراوان کە ئیدارە و ناوچە گەشتیارییەکان دەباتە قۆناغێکى دیکەوە لەڕووى خزمەتگوزارییەوە.
بە ڕۆژ و شەو کار لە پڕۆژەکە دەکەین.
لە ماوەی کەمتر لە دوو مانگدا توانیومانە بگەینە ناو خەلەکان.
40%ـی کارەکانی پڕۆژەکە تەواو کراون.
400 ئامێر کار لە ڕێگاکەدا دەکەن.
تەواوبوونی پڕۆژەکە کارئاسانی دەکات بۆ دانیشتووانی دۆڵی خەلەکان و شۆفێران، کە ڕۆژانە ڕووداوێکی زۆری ھاتووچۆ لەو ڕێگایە ڕوویدەدا و بە ڕێگەی مەرگ ناسرا بوو.
پڕۆژەی دووسایدی چوارقوڕنە دووکان، ساڵی 2013 بەردی بناغەی دانراوە و قۆناغی یەکەمی تەواوکراوە، قۆناغی دووەم و سێیەمی پرۆژەکە درێژییەکەی 37 کیلۆمەترە و گوژمەکەی 243 ملیار دینارى بۆ تەرخانکراوە.
سلێمانی لە جووڵە ناوەستێت؛ شارێک لە ناو وەرچەرخانێکی گەورەی ئاوەدانیدا
