گەڕەکى هەشتى حەسارۆک؛ گەڕەکە نائومێد بووەکە بۆ دانیشتووانەکەى

گەڕەکى هەشتى حەسارۆک؛ گەڕەکە نائومێد بووەکە بۆ دانیشتووانەکەى

00:00/00:00

پووختەى ڕاپۆرت

  • گەڕەکى هەشتى حەسارۆک وەک یەکێک لە گەورەترین کەرتەکانی زەوی و نیشتەجێبوون.

  • بە بەڵێنی گەیاندنی خزمەتگوزارییە سەرەتاییەکان ئاوەدان کرایەوە.

  • ئێستا بووەتە شوێنی نائومێدیی دانیشتووانەکەی.


کۆچەر بۆ ڕزگاربوون لە بارگرانیی کرێچێتی و بە ئومێدی خاوەندارێتیی خانووی خۆی، پەنای بۆ گەڕەکى هەشتى حەسارۆک هێناوە؛ بەڵام لەبری حەوانەوە، نەبوونی ئاو، کارەبا، ئاوەڕۆ، شەقام و قوتابخانە، ڕووبەڕووی زنجیرەیەک قەیران و گرفتی نوێی کردووەتەوە.


پڕۆژە خزمەتگوزارییەکان

  • نەبوونی پڕۆژە خزمەتگوزارییەکان تەنیا ژیانی ڕۆژانەی خێزانەکانی پەک نەخستووە.

  • بەڵکو داهاتوو و سەلامەتیی منداڵەکانیشی خستووەتە مەترسییەوە.

  • قوتابخانە و شەقامی قیرتاوکراو لە ناو گەڕەکەکەدا بوونى نییە.

  • قوتابیانی هەشتی حەسارۆک ناچارن ڕۆژانە بۆ گەیشتن بە خوێندنگەکانیان لە گەڕەکەکانی دیکە، ڕێگایەکی سەخت و دوور ببڕن.

  • ڕێگایەک کە تێیدا ڕووبەڕووی مەترسیی سەگی بێلانە.

  • لافاو و چەندین مەترسیی دیکە دەبنەوە.

  • پێشتر لە لایەن لایەنە پەیوەندیدارەکانەوە بەڵێنی دروستکردنی تۆڕی ئاو و گەیاندنی کارەبای نیشتمانی بە گەڕەکی هەشتی حەسارۆک دراوە.

  • بەڵام تاوەکو ئێستا ئەو بەڵێنانە لەسەر کاغەز ماونەتەوە.

ئەمەش وایکردووە دانیشتووانی گەڕەکەکە ناچار بن لەسەر ئەرک و گیرفانی خۆیان، ئاو و کارەبا لە گەڕەکەکانی دیکەوە ڕابکێشن.

لە گەڕەکی هەشتی حەسارۆک، سەدان خانوو بۆ نیشتەجێبوون دروستکراون و ژیان تێیاندا دەستی پێکردووە، بەڵام خزمەتگوزارییە سەرەتاییەکان وەک بەڵێنێکی جێبەجێنەکراو ماونەتەوە؛ بەڵێنێک کە دانیشتووانی ئەم گەڕەکە هێشتا بە هیواوە چاوەڕێی هاتنەدی دەکەن.

کەناڵ8

Sun Nov 22 2026

Loading related news...