پووختەی هەواڵ:

• یەکێکە لە دیارترین بۆنە هونەری و کولتوورییەکانی کەرکووک

• ساڵانە دیارترین شانۆییەکانی کوردستان، عێراق و وڵاتان کۆدەکاتەوە

• قەڵغانی ڕێزلێنان بە هونەرمەندە شایستەکان دەبەخشێت

• خەڵاتی ئەو بەشداربووانە دەکات کە باشترینەکانی خۆیان لە شانۆ پێشکەش دەکەن

• ئەمساڵ سێ ڕۆژ بەردەوام بوو

بە چاودێریی ئاسۆ مامەند، سەرپەرشتیاری کەرکووک – سەڵاحەدین، ڕێکەوتی 12ی تشرینی دووەم، دەیەمین خولی فێستیڤاڵی نێودەوڵەتیی کەرکووک بۆ شانۆ لە شەقام دەستیپێکرد، لەماوەی سێ ڕۆژی چالاکی و نمایشەکاندا:

• کەرنەڤاڵی هونەری بەڕێوەچوو

• ئاهەنگی فەرشی سوور بۆ بەشداربووان سازکرا

• ڕێوڕەسمی کردنەوەی فەرمی فێستیڤاڵ بەڕێوەچوو

• چەندین شانۆیی جیاواز پێشکەش کران

• پانێڵ و گفتوگۆ ڕێکخران

ئەمساڵ بەنزیکەی 10 وڵات لە نمایشەکاندا نوێنەریان هەبوو، بە جۆرێک:

• ئێران بە پێنج شانۆیی

• کوردستان دوو شانۆیی

• عێراق دوو شانۆیی

• تورکیا یەک شانۆیی

• تونس یەک شانۆیی

• فەڵەستین یەک شانۆیی

• فەڕەنسا یەک شانۆیی

• پۆڵەندا یەک شانۆیی

• ئەرجەنتین یەک شانۆیی

لەمیانی بەڕێوەچوونی چالاکییە سەرەتاییەکانی سێیەم و کۆتا ڕۆژی فێستیڤاڵەکە، دیبەیتێکی شانۆیی بە ناونیشانی "شانۆ لەنێوان تەختە و شۆستە" لە هۆڵی شەهید سیروان تاڵەبانی بەڕێوەچوو.

هاوکات، لەمیانی خەڵاتکردنی هونەرمەندەکاندا، ژمارەیەک قەڵغانی ڕێزلێنان بە گرووپە شانۆییە بەشداربووەکان بەخشرا.