پووختەی هەواڵەکە

• بەڵگەنامە دزەپێکراوەکانی لە کەرتی پیشەسازی سەربازیی ڕووسیاوە ، هاوکارییەکانی مۆسکۆیان بۆ تاران ئاشکراکرد.

• مۆسکۆ 90 سەکۆی هەڵدانی مووشەکی پێشکەوتووی بە ئێران داوە، کە دەتوانرێت لەسەر هێلیکۆپتەرەوە مووشەک هەڵبدەن.

ڕۆژنامەی بەریتانی گاردیان بڵاویکردەوە، بەڵگەنامەکان دەست کۆمپانیای هەواڵگریی تایبەتی ئۆکرانی دالاس ئەنالیتیکس کەوتوون و لەگەڵ ڕۆژنامە بەریتانییەکە هاوبەشییان پێکراوە، کە تیایدا وردەکاریی پلانی فرۆشتنی سەکۆی مووشەکیی ڕێنماییکراوی جۆری LMUR خراوەتەڕوو، کە ڕووسیا لە جەنگی ئۆکرانیا و لە ساڵی 2022ـەوە بەشێوەیەکی بەرفراوان بەکاری دەهێنێت.

بەگوێرەی بەڵگەنامەکان:

• خشتەی بەرهەمهێنانەکە لە مانگی ئایاری 2024 و لەلایەن کۆمپانیای 'ڤیمپێل'ـەوە ئامادەکراوە، کە کۆمپانیایەکی تایبەتە بە درووستکردنی مووشەک و سەکۆ مووشەکییەکان.

• داواکارییەکە 90 سەکۆی مووشەکی لەخۆدەگرێت.

• بەرواری گەیاندنیان دەگەڕێتەوە بۆ کۆتاییەکانی 2024 و سەرەتای کانوونی دووەمی 2025.

• لە کاتێکدا لە بەڵگەنامەکاندا ئەوە پشتڕاست نەکراوەتەوە کە ئایا ئەو سەکۆ مووشەکییانە گەیەنراون بە ئێران یان نا.

• بەڵام تیایدا باس لە گەیشتنی شەش فڕۆکەی جۆری یاک-130 دەکەن، کە گوایە ساڵی 2023 گەیەنراون بە ئێران.

ئەم زانیاریانە لە کاتێکدان کە واشنتن سەرقاڵی هەڵسەنگاندنی هەنگاوەکانی داهاتوویەتی لەگەڵ ئێران، دوای هەڵبژاردنەکانی نیوەخولی ئەمریکا.

زانیاریی زیاتر بۆ تۆ

پزیشكیان و پوتن لە مۆسکۆ کۆبوونەوە