ڕەوتى هەڵوێست دوو پەرلەمانتارى دوورخستەوە: تەنیا هەزار دەنگیان هێنابوو
پووختەی هەواڵەکە
ڕەوتی هەڵوێست دوو پەرلەمانتاری خۆی لە ڕەوتەکەی دوورخستەوە .
ئەو دوو پەرلەمانتارە تەنیا هەزار دەنگیان هێنابوو .
ڕەوتى هەڵوێست ڕایگەیاند، دوای ئەوەی سارا موحسین و سازگار فایەق، لە دەرەوەی بڕیاری ڕەوتەکە ڕۆشتنە دانیشتنی پەرلەمان، "بڕیارماندا بە دوورخستنەوەیان لە ڕەوتی هەڵوێست".
ڕەوتى هەڵوێست:
ئەم دوو پەرلەمانتارە بە هەردووکیان تەنیا (هەزار) دەنگیان هێناو بە کۆتا دەرچوون..
دروشمی بانگەشەی ئێمە تەسلیم نەبوون بوو بەم دەسەڵاتە، ئێستاش دەنگی خەڵکی ناڕازی ببەن و تەسلیمی ئەو دەسەڵاتەی بکەن.
زۆر کەس بوون بە مێژوو، پۆست و پارەیان دەستکەوت، بەڵام متمانەو کەسایەتیان لەدەستدا.
دوێنێ ڕەوتی هەڵوێست لە ڕاگەیەندراوێکدا ڕەتیکردەوە بەشداریی دانیشتنی پەرلەمان بۆ هەڵبژاردنی دەستەی سەرۆکایەتی بکات، کە فراکسیۆنى پارتى داواى کردبوو بکرێت ، ڕایانگەیاند، لە سەرەتاوە بڕیارمانداوە ئۆپۆزسیۆن بین و ئەرکی ئۆپۆزسیۆن نییە دەستەی سەرۆکایەتی بۆ هێزێک یان دوو هێزی دەسەڵاتدار هەڵبژێرێت و دواتر ئەوان سەرۆکی هەرێمى کوردستان و حکومەت دیاری بکەن. پێشتر هەڵوێست نەچووەتە بلۆکی دیکە و ئێستاش لە ژێر هیچ بیانوویەکدا ناچێتە لای هیچ لایەنێک.
