پووختەى هەواڵەکە

• پارێزگاى کەرکووک بە دەست کەمى بەشە بەنزینى دابینکراوى حکومەتەوە دەناڵێنێت.

• ئەرشەد ساڵحی: پشکی بەنزینی کەرکووک بکرێتە دوو ملیۆن و 500 هەزار لیتری ڕۆژانە.

• دابەشکردنى بەنزین لە کەرکووک بە گوێرەى کۆبۆنە.

  ---

ئەرشەد ساڵحی، ئەندامی ئەنجوومەنی نوێنەرانی عێراق، داوای لە وەزیری نەوتی عێراق کردووە بەپەلە بڕیاربدات بە زیاترکردنی بەشە بەنزینی پارێزگای کەرکووک و گەیاندنی بە دوو ملیۆن و500 هەزار لیتری ڕۆژانە، ئەوەش لە پاش دابەشکردنی زیاتر لە حەوت هەزار کۆبۆنی نوێ بۆ وەرگرتنی بەنزین.

پشکى کەرکوک و ژمارەى بەنزینخانەکان:

• ڕۆژانە یەک ملیۆن و 820 لیتر بەنزینە و داوای زیاترکردنی کراوە.

• داواکە بۆ نەهێشتنی سەرەی بەنزین و گرەنتیی دابینکردنی پشکێکی دادپەروەرە بۆ پارێزگاکە.

• هەروەها بۆ کەمکردنەوەی بارگرانییە لەسەر شانی هاونیشتمانیان.

• لە سنووری پارێزگای کەرکووک 22 بەنزیخانەی حکومی دابەشکردنی بەنزین هەیە.

• لە ڕێگەیەوە بەنزین بە نرخی پاڵپشتیکراو بەسەر شۆفێران بەکۆبۆن دابەشدەکرێت.

• نرخی جۆری نۆرماڵ 450 دینارە و موحەسەن 850 دینارە و جۆری سوپەر 1250 دینارە.

• لە مانگی ئەیلوولدا نزیکەی 7 هەزار کۆبۆنی وەرگرتنی بەنزین بەسەر شۆفێراندا دابەشکرا.
  
  ئەو کۆبۆنەی شۆفێران لە کەرکووک بەنزینی پێوەردەگرن گرنگییەکی ئەوتۆی هەیە، چونکە لەڕێگەیەوە، بەنزین بەنرخی پاڵپشتیکراو بە سەرجەم جۆرەکانییەوە لە بەنزینخانە حکومییەکان وەردەگیرێت.